Modi Cabinet Minister Portfolios : मोदी सरकारचे खातेवाटप जाहीर

Posted on June 10, 2024 at June 10, 2024 by newsmar

1726 0

नवी दिल्ली : वृत्तसंस्था – मोदी सरकारचं खातेवाटप जाहीर (Modi Cabinet Minister Portfolios) करण्यात आले आहे. यामध्ये भाजपाचे दिग्गज नेते नितीन गडकरी यांना केंद्रीय रस्ते वाहतूक मंत्रालय देण्यात आले आहे. तर हर्ष मल्होत्रा परिवहन राज्य मंत्री असणार आहेत. अमित शाह यांच्याकडे गृह खातं सोपवण्यात आलं आहे. तर एस जयशंकर यांच्याकडे पुन्हा परराष्ट्र खातं देण्यात आलं आहे. तसेच अश्विनी वैष्णव यांच्याकडे रेल्वे मंत्रालय देण्यात आले आहे. तसेच राजनाथ सिंह यांच्याकडे संरक्षण मंत्रालय दिले आहे.

मनोहर लाल यांच्याकडे शहर विकास मंत्रालयाची जबाबदारी देण्यात आली आहे. शिवराज सिंग चौहान यांच्याकडे कृषीमंत्रीपद देण्यात आले आहे. तसेच श्रीपाद नाईकयांच्याकडे ऊर्जा मंत्रालय देण्यात आले आहे. जीताराम माझींकडे सूक्ष्म लघु आणि मध्यम उद्योग मंत्रालय देण्यात आले आहे. निर्मला सीतारामन यांच्याकडे अर्थमंत्रालय देण्यात आले आहे तसेच चिराग पासवान यांच्याकडे क्रीडा मंत्रालय देण्यात आले आहे.

जेपी नड्डा यांना आरोग्यमंत्री करण्यात आलं आहे. तर धर्मेंद्र प्रधान यांना शिक्षण मंत्रीपद दिलं गेलं आहे. टीडीपीच्या राम मोहन नायडू यांना हवाई उड्डाण मंत्रालय देण्यात आलं आहे. किरण रिजीजू संसदीय कामकाज मंत्री असतील. हरदीप सिंग पुरींना पेट्रोलियम मंत्रिपद देण्यात आलं आहे.