मुंबई : लोकसभा निवडणुकीची (Loksabha) रणधुमाळी सुरू झाली असून उद्धव बाळासाहेब ठाकरे यांच्या शिवसेनेकडून प्रसारित करण्यात आलेल्या जाहिरातीवर भाजपकडून आक्षेप घेण्यात आला आहे. यानंतर भाजप नेत्या चित्रा वाघ यांनी पत्रकार परिषद घेत या जाहिराती संदर्भात अनेक गंभीर आरोप केले. ठाकरे गटाकडून महिला अत्याचारासंदर्भात प्रसारित केलेल्या जाहिरातीत चक्क पॉर्न स्टारने भूमिका केल्याचा दावा चित्रा वाघ यांनी केला. आदित्य ठाकरे यांच्यावर टीका करताना चित्रा वाघ म्हणाल्या की, आदुबाळ नाइट लाइफ प्रायव्हेट लिमिटेड प्रॉडक्शनच्या जाहिरातीत जे पात्र आहे ते पॉर्नस्टार आहे.
चित्रा वाघ काय म्हणाल्या?
चित्रा वाघ यांनी पत्रकार परिषदेत जाहिरातीत काम केलेल्या व्यक्तीचा फोटो दाखवत म्हटलं की, उद्धव बाळासाहेब ठाकरे यांच्या जाहिरातीत पॉर्न स्टारने काम केलंय. जाहिरातीत जे पात्र आहे ते पॉर्न स्टार आहे. तोच विचारतो की महिलांवरचे अत्याचार कधी थांबणार, तोच विचारतोय की महिलांवरचे अत्याचार कधी थांबणार, हाच पॉर्नस्टार लहान वयाच्या मुलींसोबत चित्रिकरण करतो.
बापाच्या भूमिकेत असलेली व्यक्ती , हेच पात्र उल्लू एपवर मुलींसोबत घाणेरडं कृत्य करत असल्याच्या क्लीप्स आहेत. त्यामुळे उद्धव ठाकरेंना विचारायचं आहे की महाराष्ट्रात पॉप पार्टी आणि पॉप हे ते आणतायत. छत्रपती शिवाजी महाराजांच्या महाराष्ट्रात कसली संस्कृती आणतायत. असे बाप महाराष्ट्रात, जाहिरातीत दाखवून काय दाखवायचंय असा सवाल चित्रा वाघ यांनी आज पार पडलेल्या पत्रकार परिषदेमध्ये विचारला आहे. याबाबत उद्धव बाळासाहेब ठाकरे यांनी आपली भूमिका मांडली पाहिजे. केंद्र सरकारकडे विनंती आहे की बऱ्याच अश्लील एपवर बंदी घातलीय, आता या अश्लील एपवरही बंदी घालावी अशी मागणी चित्रा वाघ यांनी केली.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Nashik News : हृदयद्रावक ! सख्ख्या बहीण भावांचा दुर्दैवी मृत्यू
Weather Update : हाय गर्मी ! हवामान खात्याकडून ‘या’ जिल्ह्यांना देण्यात आला यलो अलर्ट
Devendra Fadnavis : शरद पवारांना मोठा धक्का ! ‘हा’ बडा नेता लागला भाजपच्या गळाला
