पुणे : पुण्यामध्ये भरधाव वेगात कार चालवून दोघांच्या मृत्यूस कारणीभूत (Pune Porsche Accident) ठरलेल्या पोर्शे अपघात प्रकरणामधील अल्पवयीन मुलाच्या वडिलांना म्हणजेच बिल्डर विशाल अग्रवाल यांना अटक करण्यात आली आहे. विशाल अग्रवाल ‘ब्रह्मा ग्रुप’चा मालक आहे. अपघात झाला त्यावेळेस गाडी चालवणारा मुलगा अल्पवयीन असल्याने त्याच्या वडिलांना ताब्यात घेण्यात आलं आहे. अल्पवयीन असताना मुलाला गाडी चालवण्यास दिल्या प्रकरणी विशाल अग्रवालविरुद्ध गुन्हा दाखल करण्यात आला आहे. विशाल अग्रवाल यांना पुणे पोलिसांनी संभाजीनगरमधून अटक केली आहे.
आरोपीने दिली धक्कादायक कबुली?
या प्रकरणामध्ये आरोपी असलेल्या अल्पवयीन मुलाने आपला जबाब नोंदवला आहे. वडिलांनीच आपल्याला पार्टीसाठी परवानगी दिल्याचं या तरुणाने म्हटलं आहे. “मी कार चालविण्याचे रीतसर प्रशिक्षण घेतलेले नाही. वाहन चालविण्याचा परवानाही माझ्याकडे नाही. तरी वडिलांनीच त्यांच्या मालकीची ग्रे रंगाची पोर्शे कार माझ्याकडे दिली. त्यांनीच मला मित्रांसह हॉटेलमध्ये पार्टी करण्यास परवानगी दिली. मी मद्यप्राशन करतो हे वडिलांना माहिती आहे,” असं या अल्पवीयन मुलाने पोलीस चौकशीत सांगितलं आहे.
बार आणि हॉटेल मालकांवर गुन्हा दाखल
या प्रकरणामध्ये समोर आलेल्या सीसीटीव्हीमध्ये अल्पवयीन मुलाने हॉटेलमध्ये मद्यपान केल्याचा दावा करणारं सीसीटीव्ही फुटेज समोर आल्यानंतर सदर प्रकरणात हॉटेल मालक आणि व्यवस्थापकांसह पाच जणांविरुद्ध गुन्हा दाखल करण्यात आला आहे. तसेच ‘हॉटेल कोझी’चे मालक प्रल्हाद भुतडा आणि ब्लॅक’चे मालक संदीप सांगळे यांना पुणे पोलिसांकडून अटक करण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Accident: फरार बिल्डर विशाल अग्रवालला छत्रपती संभाजीनगरमधून अटक
