कोल्हापूर पोटनिवडणुकीत पैसे वाटप होत असल्याबाबत आरोप-प्रत्यारोप

472 0

कोल्हापूर- कोल्हापूर उत्तर मतदार संघातल्या पोटनिवडणुकीसाठी मतदान सुरू झालं आहे. याठिकाणी मतदारांना पैसे वाटले जात असल्याचा आरोप महाविकास आघाडीनं भाजपवर केला आहे तर भाजपनंही काँग्रेस कार्यकर्ते पैसे वाटत असल्यचा आरोप केला आहे. एकूणच या निवडणुकीत राजकारण तापले आहे.

कोल्हापूर उत्तर पोटनिवडणुकीसाठी आज मतदान करण्यात येत आहे. मात्र मतदानाच्या पूर्वसंध्येला मतदारांना प्रलोभनं दिल्याचा आरोप केला जात आहे. काल (सोमवारी) भाजपच्या माजी नगरसेविकेच्या कार्यालयात पैशाची पाकिटं सापडली. मतदारांना पैसे वाटत असल्याच्या संशयावरुन पोलिसांनी भाजप कार्यकर्त्यांना ताब्यात घेतलं होतं. या कार्यकर्त्यांकडे मतदार यादी आणि पैशांची पाकिटं सापडल्याची माहिती मिळतं आहे. भाजपच्या माजी नगरसेविका सुनंदा मोहिते यांच्या कार्यालयावर पोलिसांनी ही कारवाई केली होती. या प्रकरणी पोलिसांकडून चौकशी सुरु असून अद्याप कोणताही गुन्हा दाखल झालेला नाही.

कोल्हापूरच्या शाहुपुरी भागांत काल रात्री उशीरा पैसे वाटणाऱ्यांना माजी महापौर सुनील कदम यांनी पकडलं होतं. हे कार्यकर्ते सतेज पाटील यांचे असल्याचा सुनील कदम यांचा आरोप आहे.

अशातच आता भाजपनंही काँग्रेस कार्यकर्ते पैसे वाटत असल्यचा आरोप केला आहे. त्यामुळे कोल्हापूर निवडणुकीच्या मतदानापूर्वीच भाजप विरुद्ध महाविकास आघाडी असा वाद रंगल्याचं पाहायला मिळत आहे. महाविकास आघाडीकडून काँग्रेसच्या जयश्री पाटील या निवडणूक लढवत आहेत. तर भाजपकडून सत्यजित कदम निवडणुकीच्या रिंगणात आहे. दोन्ही पक्षाकडून जोरदार प्रचार करण्यात आला असून दोघांनीही विजयाचे दावे केले आहेत.

दरम्यान, कोल्हापूर उत्तर विधानसभा पोटनिवडणुकीसाठी एकूण 2 हजार 142 कर्मचाऱ्यांची नियुक्ती करण्यात आली आहे. तर, एकूण 357 केंद्रांवर ही मतदानाची प्रक्रिया पार पडणार आहे. या मतदानाच्या प्रक्रियेसाठी 357 ईव्हीएम मशीन (EVM Machine) ठेवण्यात आलेत. कोल्हापूर उत्तर मतदारसंघात एकूण 7 संवेदनशील मतदान केंद्रं आहेत. एकूण 550 पोलीस कर्मचाऱ्यांचा फोजफाटा तिथे तैनात करण्यात आला आहे. पाच राज्यांच्या निवडणुकीत 80 वर्षांच्या आणि दिव्यांग नागरिकांच्या घरी जाऊन त्यांच मत नोंदवण्यात आलं होतं. तसाच प्रयोग आता या निवडणुकीत केला जाणार आहे.

Share This News

Related Post

युक्रेनमध्ये अडकलेले 242 भारतीय मायदेशी सुखरूप परतले

Posted by - February 24, 2022 0
नवी दिल्ली- रशिया युक्रेनमध्ये सध्या युद्ध सुरु आहे. अशा युद्ध परिस्थितीमध्ये युक्रेनमध्ये अनेक भारतीय नागरिक अडकलेले आहेत. त्यामुळे या नागरिकांना…
Jalna Crime News

Jalna Crime News : मारहाण होत असताना नातेवाईकांना लावला फोन मात्र नातेवाईक येईपर्यंत सगळंच संपलं

Posted by - August 27, 2023 0
जालना : जालन्यातील (Jalna Crime News) भिलपुरी या ठिकाणी एक धक्कादायक घटना घडली आहे. यामध्ये (Jalna Crime News) अज्ञात कारणावरून…
Satara Crime

धावत्या कारचा टायर फुटून झालेल्या अपघातात साताऱ्यातील युवा उद्योजकाचा दुर्दैवी मृत्यू

Posted by - May 21, 2023 0
सातारा : पुणे – बंगळूर आशियाई महामार्गावर (Pune – Bangalore Asian Highway) शनिवारी आटके टप्पा या ठिकाणी एका स्विफ्ट कारचा…

देवेंद्र फडणवीस आणि एकनाथ शिंदे यांचा आजच शपथविधी होणार

Posted by - June 30, 2022 0
शिवसेना नेते एकनाथ शिंदे यांच्या समर्थक आमदारांनी बंडखोरी करत महाविकास आघाडी सरकारला सुरूंग लागवल्याने गेले आठ-दिवस महाराष्ट्रातील राजकीय वातावरण ढवळून…

राज ठाकरेंचा पुणे दौरा; मनसेच्या गोटात तणाव; ‘त्या’ पत्रानंतर राज ठाकरे यांची कशी असणार भूमिका…

Posted by - December 27, 2022 0
पुणे : काही दिवसांपूर्वी राज ठाकरे यांनी एक सणसणीत पत्र लिहून आपल्या पदाधिकाऱ्यांची चांगलीच कान उघडणी केली होती. अर्थात नक्की…

Leave a comment

Your email address will not be published. Required fields are marked *