गोंदिया : गोंदियामधून (Gondia News) एक धक्कादायक घटना समोर आली आहे. यामध्ये आपल्या आत्याच्या पिंडदानासाठी गेलेल्या एका युवकाला दुर्दैवाने आपला जीव गमवावा लागला आहे. या तरुणाचा नदीत बुडून दुर्दैवी मृत्यू झाला आहे. राजेगाव येथील बाघ नदीवर ही घटना घडली. या घटनेमुळे परिसरात हळहळ व्यक्त केली जात आहे.
काय घडले नेमके?
भूपेंद्र भरत बागडे (वय 20) असं मृत तरुणाचं नाव आहे. तो गोंदियातील खमारी येथील रहिवासी होता. खमारी येथे पिसाळलेल्या कुत्र्याच्या चाव्याने 30 जानेवारीला गावातीलच मंजू लक्ष्मीनारायण गायधने यांचा मृत्यू झाला होता.मंजू ह्या भुपेंद्रच्या आत्या होत्या. त्यामुळे भुपेंद्रच्या घरातील लोक त्यांच्या पिंडदानासाठी घरून खाजगी वाहनाने निघाले होते. त्यांच्यासोबत भुपेंद्रही गेला होता. पिंडदान करण्यासाठी गेलेले काही लोक आंघोळ करण्यासाठी बाघनदीच्या पाण्यात उतरले.
तर भूपेंद्र हा दगडावर बसून होता. परंतु दगडावर उभा असताना अचानक त्याचा तोल गेला आणि त्याच संतुलन बिघडलं आणि तो नदीत कोसळला. यानंतर नदीच्या डोहात बुडून त्याचा मृत्यू झाला. यानंतर आपत्ती व्यवस्थापन विभाग पथकाच्या मदतीने त्याचा मृतदेह बाहेर काढण्यात आला. या घटनेमुळे भुपेंद्रच्या कुटुंबियांवर मोठा दुःखाचा डोंगर कोसळला. या प्रकरणी रावणवाडी पोलिसांनी आकस्मिक मृत्यूची नोंद केली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
RBI MPC Meet : RBI चं पतधोरण जाहीर
Baba Siddique : काँग्रेसला मोठा धक्का ! बाबा सिद्दीकी यांचा काँग्रेसला रामराम
EVM Theft : निवडणूक आयोगाची मोठी कारवाई ! ईव्हीएम मशीन चोरी प्रकरणी 3 अधिकारी निलंबित
