नवी दिल्ली: काँग्रेस खासदार राहुल गांधी केरळमधील वायनाड लोकसभा मतदारसंघातील खासदारकीचा राजीनामा देणार आहे. काँग्रेसचे राष्ट्रीय अध्यक्ष मल्लिकार्जुन खरगे यांनी पत्रकार परिषदेत ही मोठी घोषणा केली आहे.
प्रियांका गांधी वायनाडमधून पोटनिवडणूक लढवणार आहेत. २०२४ च्या लोकसभा निवडणुकीत राहुल गांधी यांनी केरळमधील वायनाड आणि उत्तर प्रदेशातील रायबरेलीमधून विजय मिळवलाय. विजयानंतर त्यांनी वायनाडमधून राजीनामा देण्याचे संकेत दिले होते.