पुणे : आज पुण्यात राष्ट्रवादीचा युवक मेळावा पार पडत आहे, या मेळाव्याला उपमुख्यमंत्री अजित पवार (Ajit Pawar) यांच्यासह राष्ट्रवादीचे सर्वच प्रमुख नेत्यांनी हजेरी लावली. या मेळाव्यात बोलताना राष्ट्रवादीचे प्रदेशाध्यक्ष सुनिल तटकरे यांनी मोठी घोषणा केली आहे. आगामी लोकसभा निवडणुकांच्या पार्श्वभूमीवर धनंजय मुंडे यांच्यावर मोठी जबाबदारी सोपवण्यात आली.
‘ही’ जबाबदारी देण्यात आली
राष्ट्रवादीच्या लोकसभा प्रचार प्रमुखपदी धनंजय मुंडे यांची नियुक्ती करण्यात आली आहे. त्याबाबत आज सुनील तटकरे यांनी घोषणा केली आहे. यावेळी बोलताना धनंजय मुंडे यांनी राष्ट्रवादी शरदचंद्र पवार गटावर जोरदार हल्लाबोल केला आहे. 2 जुलैला आम्ही सर्वांनी एक निर्णय घेतला. त्यानंतर 5 जुलैच्या सभेला खऱ्या अर्थाने लोकशाही दिसली. ती लोकशाही आज ही इथे आहे. 6 फेब्रुवारीला त्या लोकशाहीचा विजय झाला. पक्ष आणि चिन्ह ही आपलं झालं. आता इथून पुढं फक्त अजित पर्व असणार. पुढची 50 वर्षे ही दादांचीच आहेत. असं धनंजय मुंडे यावेळी म्हणाले.
शरद पवार गटाला दिला इशारा
त्यांनी राष्ट्रवादी शरदचंद्र पवार गटाला इशारा देखील दिला आहे. अजितदादा आणि आम्हा सर्वांवर मर्यादा सोडून बोलात तर आम्हीही सोडणार नसल्याचं मुंडे यांनी म्हटलं आहे. अजितदादांनी आम्हाला उभं केलं, त्यांच्यामुळंच आम्ही आमदार झालो. आत्ता सर्व पक्षाचा विचार केला तर सर्वात तरुण आमदार हे दादांनीच निवडून आणल्याचं मुंडे यांनी म्हटलं आहे. अजित दादांना मुख्यमंत्री करण्याचं मिशन आपण हाती घेतलं आहे. 2024 साली आपल्याला दादांना मुख्यमंत्री करायचं आहे असे ते यावेळी म्हणाले.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Ajit Pawar : मुख्यमंत्रीपदावरून अजित पवारांचे मोठे वक्तव्य; म्हणाले ‘थोडी कळ सोसा…’
Job News : महाराष्ट्र राज्य कृषी पणन मंडळात नोकरीची संधी; ‘या’ ठिकाणी पाठवा अर्ज
Eknath Shinde : शिंदेंचा राज ठाकरेंना मोठा धक्का; ‘हे’ शिलेदार करणार शिवसेनेत प्रवेश
Sunetra Pawar : सुनेत्रा पवारांच्या फ्लेक्सवर बारामतीमध्ये शाईफेक
PMC Recruitment 2024 : पुणे महानगरपालिकेत ‘या’ पदांसाठी होतेय भरती; कसा कराल अर्ज ?
Pune News : खळबळजनक ! स्वाती मोहोळ यांना धमकी देणारा आरोपी ससून मधून फरार
