Ravindra Dhangekar : मित्र पक्षांच्या सक्रिय योगदानामुळे पुण्यातील काँग्रेसची दावेदारी अधिक मजबूत रवींद्र धंगेकरांनी व्यक्त केला विश्वास

298 0

पुणे : इंडिया आघाडीतील सर्व घटक पक्षांनी पुणे लोकसभा मतदारसंघात काँग्रेसच्या प्रचारात सक्रिय व उल्लेखनीय योगदान दिल्यामुळे या मतदारसंघातील काँग्रेसची दावेदारी अधिक मजबूत झाली आहे, असे प्रतिपादन इंडिया आघाडी व काँग्रेसचे उमेदवार रवींद्र धंगेकर यांनी केले आहे.

पत्रकारांशी बोलताना रवींद्र धंगेकर म्हणाले की, शरद पवारांची राष्ट्रवादी काँग्रेस, शिवसेना ठाकरे गट, आम आदमी पक्ष, समाजवादी पक्ष, मार्क्सवादी कम्युनिस्ट पक्ष तसेच अन्य संघटना व मित्रपक्षांनी पुण्यात झोकून देऊन काम केले आहे. केंद्रात सत्ता परिवर्तन करायचेच या संकल्पनेने या सर्वच पक्षाचे कार्यकर्ते झपाटलेले आहेत. पुण्यात कार्यरत असलेल्या कष्टकऱ्यांच्या संघटना, पर्यावरणवाद्यांच्या संघटना, समाजवादी आणि कम्युनिस्ट विचारांच्या संघटना अनेक गणेश मंडळ कार्यकर्ते आदी सर्वच गटांनी काँग्रेसच्या प्रचारात मोठे योगदान देऊन पुण्यातील वातावरण बदलून टाकले आहे. त्यांच्या योगदानामुळे काँग्रेसची ही निवडणूक अत्यंत सोपी झाली आहे असेही धंगेकर यांनी म्हंटले.

निवडणूक मैदानात सक्रिय असलेल्या या सर्व मित्र पक्ष आणि गटांच्या कार्यकर्त्यांशी काँग्रेस पक्षातर्फेही चांगला समन्वय राखला जात आहे. पुण्यात समाजवादी विचारांचे तसेच कम्युनिस्ट विचारांचे अनेक कार्यकर्ते वर्षानुवर्ष कार्यरत आहेत. या सर्व कार्यकर्त्यांना केंद्रातील मोदी सरकारच्या कारभाराचा फोलपणा लक्षात आला आहे. त्यामुळे हे कार्यकर्ते स्वतःहून परिवर्तनासाठी सगळ्याच भागात झटताना दिसतात. अनेक महिला संघटनाही या प्रचारात सक्रिय झालेल्या आहेत. काँग्रेसने जाहीरनाम्यात दिलेली पंचवीस वचने सर्वांच्याच पसंतीला उतरली असून त्यातील मुद्देही हे सगळे कार्यकर्ते लोकांपुढे प्रभावीपणे नेत आहेत, त्याचा अत्यंत अनुकूल परिणाम सगळीकडे दिसून येतो आहे. कार्यकर्ता जेव्हा स्वयंस्फूर्तीने कामाला लागतो तेव्हा तो इपसीत ध्येय गाठल्याशिवाय शांत राहत नाही याचाच अनुभव या निवडणुकीत निश्चितपणे येईल, असा विश्वासही रवींद्र धंगेकर यांनी व्यक्त केला.

Share This News

Related Post

Congress

Congress : लोकसभेच्या तोंडावर ‘या’ काँग्रेस नेत्याचा तडकाफडकी राजीनामा

Posted by - April 4, 2024 0
नवी दिल्ली : वृत्तसंस्था – लोकसभेच्या तोंडावर काँग्रेसला (Congress) मोठा धक्का बसला आहे. काँग्रेसच्या एका बड्या नेत्याने लोकसभेच्या तोंडावर तडकाफडकी…
Dagdusheth Ganpati

Chandrayaan 3 : चंद्रयानच्या यशस्वी लँडिंग साठी दगडूशेठ गणपतीला महाअभिषेक

Posted by - August 23, 2023 0
पुणे : भारताची चंद्रयान (Chandrayaan 3) मोहीम यशस्वी व्हावी या मोहिमेत भारताच्या शास्त्रज्ञाना यश मिळावे या साठी श्रीमंत दगडूशेठ हलवाई…

लोणावळ्यातील वाहतूकीबाबत वाहतूक व्यवस्थापन आराखडा तयार करा- जिल्हाधिकारी डॉ. राजेश देशमुख

Posted by - January 12, 2023 0
पुणे : लोणावळा शहरातील वाहतूक समस्येविषयी शास्त्रशुद्ध पध्दतीने अभ्यास करुन वाहतूक व्यवस्थापन आराखडा आठवड्याभरात तयार करण्याच्या सूचना जिल्हाधिकारी डॉ. राजेश…
PMPML Accident

PMPML Accident : पुणे-नगर रोडवर PMPML च्या दोन बसची समोरासमोर धडक; काचा फोडून प्रवाशांना काढलं बाहेर

Posted by - August 1, 2023 0
पुणे : पुणे शहरात PMPML च्या दोन बसची समोरासमोर धडक होऊन अपघात (PMPML Accident) झाला आहे. आज सकाळी चंदन नगर…

उद्या मंत्रिमंडळविस्तार…! ‘गृह’ आणि ‘अर्थ’ खाते उपमुख्यमंत्री देवेंद्र फडणवीस यांच्याकडे राहणार ?

Posted by - August 8, 2022 0
मुंबई : राज्यात शिंदे-फडणवीस सरकार स्थापन झाल्यानंतर रखडलेला मंत्रिमंडळाचा विस्तार अखेर उद्या सकाळी 11 वाजता होणार असल्याची माहिती समोर आली…

Leave a comment

Your email address will not be published. Required fields are marked *