पुणे : रुग्णवाहिका हि रुग्णांचा जीव वाचवण्यासाठी असते. मात्र पुण्यामध्ये (Pune Video) एक धक्कादायक घटना घडली आहे. यामध्ये चक्क एका रुग्णवाहिकेने वृद्ध व्यक्तीचा जीव घेतला आहे. पुणे (Pune Video) जिल्ह्यातील जुन्नर तालुक्यातील ओतूर येथील बस स्थानकाच्या परिसरात डुंबरवाडी येथील टोलनाक्यावर ही घटना घडली आहे. अपघातानंतर वृद्धाला रुग्णालयात दाखल करण्यात आले मात्र त्याचा उपचारादरम्यान मृत्यू झाला. हि संपूर्ण अपघाताची घटना त्या ठिकाणी असलेल्या सीसीसीटीव्ही कॅमेऱ्यात कैद झाली आहे.
Pune Video : रुग्णांचा जीव वाचविणाऱ्या रुग्णवाहिकेनेच घेतला वृद्ध व्यक्तीचा जीव pic.twitter.com/bT5EyYW0Th
— Ajay Rajaram Ubhe (@RajaramUbhe) July 10, 2023
Pune Accident : कोळशाच्या ट्रकचा टायर फुटल्यामुळे पुण्यात भीषण अपघात
काय घडले नेमके?
पुणे (Pune Video) जिल्ह्यातील जुन्नर तालुक्यातील ओतूर येथील बस स्थानकात प्रवासी वृद्ध उभा होता. त्याचवेळी एक रुग्णवाहिका पार्किंगमधून बाहेर पडत होती. रुग्णवाहिका चालकाने स्टॉपवर उभ्या असलेल्या प्रवाशाला एकदा चिरडलं. मात्र हा प्रकार लक्षात न आल्याने रिव्हर्स घेताना पुन्हा चिरडलं. यानंतर त्याच रुग्णवाहिकेतील कर्मचाऱ्यांनी जखमी व्यक्तीला रुग्णालयात नेलं. परंतु उपचारा दरम्यान त्या वृद्ध व्यक्तीचा दुर्दैवी मृत्यू झाला. रज्जाक मुंढे असे मृत व्यक्तीचे नाव आहे.
Pune News : तुटलेल्या विद्युत तारेचा स्पर्श होऊन युवकाचा दुर्दैवी मृत्यू; पुण्यातील घटना
पोलिसांकडून याबाबत तक्रार दाखल करण्यात आली असून पुढील तपासाला सुरुवात करण्यात आली आहे. त्यामुळे रुग्ण वाहिका चालकांवर कारवाई करावी अशी मागणी मृत व्यक्तींच्या नातेवाईकांकडून करण्यात येत आहे.
