पुणे : पुण्यातून एक धक्कादायक बातमी समोर आली आहे. पुण्यातील वाघोली या ठिकाणी असलेल्या गोडाऊनला भीषण आग लागली आहे. या आगीमध्ये ३ जणांचा होरपळून मृत्यू झाला आहे. या घटनेची माहिती मिळताच अग्निशमन दलाच्या पीएमआरडीए वाघोली व पुणे महानगरपालिकेच्या आठ गाड्या घटनास्थळी दाखल झाल्या. त्यांच्या अथक प्रयत्नानंतर आगीवर नियंत्रण मिळवण्यात यश आले. हि आग नेमकी कशामुळे लागली हे मात्र अद्याप समजू शकलेले नाही.
कुठे आणि कधी लागली आग?
पुणे शहरातील वाघोलीत शुक्रवारी रात्री 11.45 वाजताच्या सुमारास उबाळे नगर या ठिकाणी हि आग लागली. “शुभ सजावट” या मंडपाचे साहित्य असणाऱ्या गोडाउनला हि भीषण आग लागली. या आगीमध्ये 4 सिलेंडरचा स्फोट झाल्याने हि आग आणखी पसरली. यानंतर अग्नीशमन दलाच्या 5 तर पीएमआरडीए 4 अशी एकूण 9 अग्निशमन वाहने घटनास्थळी दाखल झाली आणि त्यांनी तातडीने या आगीवर नियंत्रण मिळवले.
आगीत तीन जणांचा होरपळून मृत्यू
या भीषण आगीत दुर्देवाने तीन कामगारांचा मृत्यू झाला आहे. हि आग लागली त्याच्याजवळच 400 सिलेंडरने भरलेले गोडाऊन होते. परंतु योग्य वेळी आगीवर नियंत्रण मिळवल्यामुळे पुढील अनर्थ टळला आहे.
