नवी दिल्ली : वृत्तसंस्था – 20 ऑक्टोबर रोजी ऑस्ट्रेलिया विरूद्ध पाकिस्तान (AUS vs PAK) यांच्यामध्ये सामना रंगला होता. बंगळूरूच्या चिन्नस्वामी स्टेडियममध्ये हा सामना खेळवला जात होता. या सामन्यात ऑस्ट्रेलियाच्या टीमने पाकिस्तानचा 62 रन्सने पराभव केला. मात्र या सामन्यादरम्यान एक मोठा राडा पाहायला मिळाला. बेंगळुरूमध्ये खेळल्या गेलेल्या पाकिस्तान विरुद्ध ऑस्ट्रेलिया सामन्यात एका चाहत्याने पाकिस्तान झिंदाबादच्या घोषणा दिल्यामूळे हा वाद झाला.
काय घडले नेमके?
पाकिस्तान विरुद्ध ऑस्ट्रेलिया सामना सुरु असताना पाकिस्तानी चाहत्यांना पाक टीमला सपोर्ट करण्यापासून रोखण्यात आलं. स्टेडियममध्ये तैनात असलेल्या पोलिसांनी पाकिस्तानी चाहत्यांना स्पष्टपणं सांगितलं की, स्टेडियममध्ये पाकिस्तान झिंदाबादच्या घोषणा देता येणार नाही. यावरून स्टेडियममध्ये गोंधळ तर झालाच पण आता सोशल मीडियावरही यावरून वाद निर्माण झाला आहे.
Brilliant work by the policeman for standing up against "Pakistan Zindabad." I hope Zubair will not complain to Kharge Jr. to get this policeman fired from his job for simply doing his duty.
pic.twitter.com/CCOBCF3fwH— BALA (@erbmjha) October 20, 2023
काय आहे व्हिडिओमध्ये?
या घटनेचा व्हिडीओ सोशल मीडियावर व्हायरल होताना दिसतोय. या व्हिडीओमध्ये पाकिस्तानची जर्सी घातलेला एक व्यक्ती पोलीस अधिकाऱ्याशी वाद घालताना दिसतोय. यामध्ये तो चाहता म्हणाला, ‘मी पाकिस्तानचा आहे. मी ‘पाकिस्तान झिंदाबाद’ नाही म्हणणार तर काय बोलणार?’ तसेच तो पुढे बोलताना म्हणतो कि ज्यावेळी लोक ‘भारत माता की जय’च्या घोषणा देतात, तर मग मी ‘पाकिस्तान झिंदाबाद’च्या घोषणा का देऊ शकत नाहीत.
सोशल मीडियावर हा व्हिडीओ समोर येताच पाकिस्तानी क्रिकेट चाहत्यांनी यावरून संताप व्यक्त केला आहे. भारतातील पाकिस्तानी चाहत्यांना त्यांच्याच टीमना सपोर्ट करता येत नसल्याचं चाहत्यांचं म्हणणं आहे. काही भारतीय क्रिकेट चाहत्यांनी देखील पोलिसांची ही वृत्ती चुकीची असल्याचे म्हंटले आहे. त्यामुळे आता या व्हिडिओवरून नवा वाद निर्माण होण्याची शक्यता आहे.