पुणे: राष्ट्रवादी काँग्रेस पक्षाचे माजी नगरसेवक वनराज आंदेकर यांच्यावर रविवारी 1 सप्टेंबर रोजी रात्री आठ वाजून 40 मिनिटाच्या सुमारास पुण्यातील नाना पेठेत गोळीबार आणि कोयत्यानं वार करत करण्यात आले.
यामध्ये त्यांची प्रकृती गंभीर बनली त्यांच्यावर केईएम रुग्णालयामध्ये उपचार सुरू ते मात्र उपचारांती त्यांचा मृत्यू झाला.
या खुनाप्रकरणी पुणे पोलिसांनी अवघ्या बारा तासाच्या आतच वनराज अंदेकर यांच्या सख्ख्या बहिणी संजीवनी कोमकर,कल्याणी कोमकर दाजी गणेश कोमकर, जयंत कोमकर यांना पुणे पोलिसांनी अटक केली होती.
कौटुंबिक आणि जमिनीच्या वादातून वनराज अंदेकरांचा खून झाला असल्याची प्राथमिक माहिती असून या प्रकरणी दोनच दिवसांपूर्वी ताम्हीणी घाटातून पुणे पोलिसांनी आणखी 13 जणांना अटक केली आहे.
पोलिसांकडून कारवाई होत असतानाच आता वनराज आंदेकर यांचे वडील सूर्यकांत उर्फ बंडू आदेकर यांनी हल्लेखोरांच्या निशाण्यवर वनराज आंदेकर नव्हता अशी धक्कादायक माहिती दिली आहे.
पुणेकर न्यूज या यूट्यूब चॅनलला दिलेल्या मुलाखतीत बंडू आंदेकर म्हणाले हल्लेखोरांच्या निशाण्यावर वनराज नव्हता तर मी आणि वनराजचा भाऊ कृष्णा आंदेकर होतो. मात्र आम्ही बारामतीत राहत असल्यामुळे त्यांनी वनराचा गेम केला.
सख्खी बहिणचं पक्की वैरीण बनली आहे असंही बंडू अंदेकर या मुलाखतीत म्हटले आहेत.
