उपमुख्यमंत्री आणि पुणे जिल्ह्याचे पालकमंत्री अजित पवार आज पुणे शहराच्या दौऱ्यावर असून तब्बल 31 विकासकामांचं लोकार्पण तसेच भूमिपूजन अजित पवार यांच्या उपस्थितीत पार पडणार आहेत. त्यातील एक भाग म्हणून वानवडी येथील शंभर बेडच्या “वानवडी जनरल हॉस्पिटलचा” लोकार्पण सोहळा अजित पवार यांच्या हस्ते संपन्न झाला. १०० बेडची क्षमता असणाऱ्या या हॉस्पिटलमध्ये अद्यावत सोयी-सुविधांसह नागरिकांच्या सेवेत उपलब्ध असणार आहेत.”
या हॉस्पिटलच्या माध्यमातून वानवडी ,हडपसर तसेच पुणे शहरातील नागरिकांना आरोग्यविषयक उत्तम सुविधा मिळतील”, असे मत अजित पवार यांनी व्यक्त केले.
तसेच महाराष्ट्र राज्य राखीव पोलीस बल गट क्रमांक १. येथील बॅडमिंटन कोर्टच्या इंनडोर स्टेडियमचा शुभारंभ देखील पवार यांच्या शुभहस्ते करण्यात आला. प्रशांत जगताप व सौ रत्नप्रभा जगताप हे सातत्याने २००७ पासून एस.आर.पी.एफ मधील पायाभूत सुविधांवर काम करत असून राज्यभर आपत्कालीन परिस्थिती सण-उत्सव अशा सर्व परिस्थितीमध्ये आपले कर्तव्य बजावणाऱ्या पोलीस बांधवांची काळजी घेतात याचा मला निश्चित अभिमान आहे, एस. आर.पी.एफ साठी इथून पुढच्या काळात देखील कुठल्याही प्रकारे निधीची कमतरता भासणार नाही”, अशी ग्वाही अजित पवार यांनी यावेळी दिली.
या कार्यक्रमाला राष्ट्रवादी काँग्रेस पार्टीचे शहराध्यक्ष प्रशांत जगताप यांच्यासह आमदार चेतन तुपे, अंकुश काकडे, नगरसेविका रत्नप्रभा जगताप, नंदा लोणकर,अश्विनी कदम,नगरसेवक आनंद अलकुंटे ,मोहसिन शेख आदी उपस्थित होते.
