पुणे – आज सकाळी ०९•०२ वाजता अग्निशमन दल नियंत्रण कक्षात हडपसर येथे कदम बाग वस्तीलगत (सोलापूर महामार्ग) येथे एका बसला आग लागल्याची वर्दि मिळताच अग्निशमन दलाकडून हडपसर व पीएमआरडीए येथून अग्निशमन वाहन रवाना करण्यात आले होते.
घटनास्थळी पोहोचताच जवानांनी पाहिले की, एका खाजगी बसने मोठ्या प्रमाणात पेट घेतला आहे. त्याचवेळी जवानांनी प्रथम बसमध्ये कोणी आहे का याची खाञी करत आगीवर पाण्याचा मारा करत सुमारे वीस मिनिटात आग पुर्ण विझवत धोका दूर केला. या घटनेत जखमी कोणी नसून या बसमधील १४ प्रवासी व वाहनचालक सुरक्षित आहेत. बस पुर्ण जळाल्याने प्रवाशांचे सामान व डिक्कीमधील एक दुचाकी देखील जळाली आहे.
या कामगिरीत अग्निशमन अधिकारी प्रमोद सोनावणे तसेच वाहनचालक नारायण जगताप व जवान बाबा चव्हाण, अनिकेत तारु, अविनाश ढाकणे, रामदास लाड व पीएमआरडीएचे वाहनचालक संदिप शेळके व जवान लक्ष्मण मिसाळ, आकाश राठोड, सुरज इंगवले, संकेत कुंभार यांनी सहभाग घेतला.
