आज जगभरात आंतरराष्ट्रीय महिला दिन साजरा केला जात आहे. अशा परिस्थितीत गुगलने खास डूडल बनवून जगभरातील महिलांबद्दल प्रेम आणि आदर व्यक्त केला आहे.
गुगलने एक आकर्षक आणि सर्जनशील डूडल तयार केले आहे. या अॅनिमेटेड डूडलमध्ये महिलांचा संयम, त्याग यासोबतच त्यांच्या आत्मविश्वासाचेही चित्रण करण्यात आले आहे.
गुगलच्या होमपेजवर विविध संस्कृतींमधील महिलांच्या जीवनाची झलक दाखवणाऱ्या अॅनिमेटेड स्लाइडशोसह एक आकर्षक डूडल दिसत आहे. नोकरी करणाऱ्या आईपासून ते मोटार मेकॅनिकपर्यंत या डूडलची शैली अतिशय मनोरंजक आहे.यामध्ये एक महिला घराची काळजी घेण्यापासून ते अवकाशापर्यंत सर्व काही कसे हाताळू शकते हे दाखवण्यात आले आहे. प्रत्येक क्षेत्रात महिलांसमोर आव्हाने उभी राहिली आहेत, ज्यांना त्या उत्तम प्रकारे सामोरे जात आहेत.
आंतरराष्ट्रीय महिला दिन साजरा करण्यामागचा मुख्य उद्देश म्हणजे आपल्या समाजातील महिलांचे सक्षमीकरण करणे आणि आर्थिक, राजकीय, सामाजिक यासह विविध क्षेत्रात त्यांचा सहभाग वाढवणे आणि त्यांना अधिकारांची जाणीव करून देणे. या वर्षीच्या आंतरराष्ट्रीय महिला दिनाची थीम ‘शाश्वत उद्यासाठी आज लैंगिक समानता’ आहे.
