नवी दिल्ली : वृत्तसंस्था – सध्या पावसाळा सुरु आहे. सगळेजण या पावसाचा मनमुराद आनंद घेताना दिसत आहेत. या पावसाचा आनंद घेण्यासाठी धबधब्यावर पर्यटकांची मोठ्या प्रमाणात गर्दी होताना दिसत आहे. ह्यामध्ये काही लोक आपल्या जीवाची पर्वा न करता भलतेच धाडस करताना दिसत आहेत. असेच धाडस करणे एका तरुणाच्या अंगलट आले. रील बनवत असताना तरुणाचा पाय घसरला आणि तो धबधब्यामध्ये वाहून गेला. यानंतर या तरुणाचं काय झालं याची अद्याप माहिती मिळू शकलेली नाही.
काय आहे व्हिडिओमध्ये?
हा व्हिडिओ कर्नाटकातील कोल्लूरजवळील अरसीनागुंडी धबधब्याचा असल्याचं सांगण्यात येत आहे. या व्हिडीओमध्ये तुम्ही पाहू शकता, या धबाधब्यातून मोठ्या प्रमाणात पाणी पडत आहे, यावेळी धबधब्याच्या बाजूला असलेल्या एका दगडावर हा तरुण उभा आहे. तो या धबधब्याच्या बाजूला रिल शूट करत आहे, यावेळी तो हालचाल करताना अचानक त्याचा पाय घसरतो आणि तो जोरात त्या दगडावर पडतो आणि वाहून जातो. यानंतर त्याचा मित्र त्याच्याडे धाव घेतो. यानंतर या तरुणाचं काय झालं याची अद्याप माहिती मिळू शकलेली नाही.
धबधब्यावर रील बनवताना तरुणाचा पाय घसरला; शेवटचा 'तो' व्हिडिओ होतोय व्हायरल pic.twitter.com/bKGxUCm2Mw
— TOP NEWS MARATHI (@Topnewsmarathi) July 25, 2023
पाण्याच्या ठिकाणी जाताना काळजी घ्या, असं वारंवार सांगूनही अनेकजण या सूचनेकडे दुर्लक्ष करतात आणि आपल्या जीवाला मुकतात. कधी व्हिडिओ तर कधी सेल्फीच्या नादात अनेक वेळा लोकांना आपला जीव गमवावा लागला आहे. त्यामुळे लोकांनी नसते धाडस करू नये असे पोलीस आणि प्रशासन वारंवार सांगत असतात.