सरपंच संतोष देशमुख हत्याप्रकरणी सीआयडीने न्यायालयात सादर केलेल्या आरोपपत्रातून आणखी एक महत्त्वाची माहिती समोर आली आहे. देशमुख यांच्या हत्येचा मुख्य सूत्रधार वाल्मीक कराड याच्याकडे असलेला प्रचंड पैसा आणि त्याच्या श्रीमंतीचा तपशील समोर आला आहे. कराड लक्झरीयस गोल्ड आयफोन सह कितीतरी महागड्या आलिशान गाड्यांचा शॉकीन होता. कराडच्या एका आयफोन मधील डेटा रिकव्हर करण्यात आला आहे. वाल्मीक कराडने अमाप माया जमवली आहे. सरपंच संतोष देशमुख यांच्या हत्येचा मुख्य सूत्रधार हा वाल्मीक कराडच असल्याचं सिद्ध झाल्यानंतर त्याच्या सगळ्या मालमत्तेची पुन्हा एकदा कसून चौकशी सुरू करण्यात आली आहे… कराडकडे तीन आयफोन होते. त्यातील डिलीट केलेला डाटा एसआयटीच्या पथकाने तंत्रज्ञानाची मदत घेत रिकव्हर केलाय. त्यानुसार आता पोलिसांच्या हाती महत्वाची माहिती लागली आहे. वाल्मिक कराड याच्या राज्यात अनेक ठिकाणी मालमत्ता आहेत. पुण्यात सर्वात हायप्रोफाईल समजल्या मगरपट्टा सिटी, हडपसरच्या अमनोरा टाऊनशिप, पिंपरी-चिंचवडच्या काही भागात आणि एफसी रोड भागात वाल्मिक कराड याची जवळपास 115 कोटीची संपत्ती असल्याची माहिती आहे. याशिवाय कराडकडे अनेक महागड्या गाड्याही असल्याची माहिती समोर आली आहे.
कराडकडे कोणकोणत्या कंपनीच्या आलिशान गाड्या ?
फोर्ड इंडेव्हर MH-44/T-0700
अशोक लेलँड लि.(हायवा) MH-44/U-0700
जॅग्वार लैंड रोवर इंडिया MH-44/AC-0700
जेसीबी इंडिया लिमिटेड MH-44/S-7450
मर्सीडीझ बेन्झ इंडिया प्रा.ले. MH-44/Z-0007
बीएमडब्लु इंडिया प्रा. लि. MH-44/AC-1717
अशोक लंयलँड लि.(हायवा) MH-44/U-1600
