सांगली – ओबीसी मेळाव्यादरम्यान भर व्यासपीठावर गर्दीचा फायदा घेऊन एका चोराने शिवसेना जिल्हा प्रमुखाच्या खिशातून 50 हजार रुपयांच्या नोटांचं बंडल गायब केले. ही घटना सांगलीमध्ये घडली. ही घटना कॅमेरामध्ये कैद झाली असून पोलीस या चोराचा शोध घेत आहेत.
सांगलीच्या स्टेशन चौकात ओबीसी नेते विजय वडेट्टीवार यांच्या प्रमुख उपस्थितीत सांगलीमध्ये नुकताच ओबीसी मेळावा पार पडला. यावेळी व्यासपीठावर कार्यकर्त्यांची मोठी गर्दी झाली होती. याच गर्दीचा फायदा घेऊन स्टेजवर जाऊन चोरट्याने चोरट्याने शिवसेना जिल्हाप्रमुख संजय विभूते यांच्या खिशातील
50 हजारांचे बंडल हातोहात लांबवले. हा प्रकार कॅमेरामध्ये कैद झाला आहे. पैसे चोरतानाचा व्हिडीओ समोर आला आहे.
संजय विभूते यांनी याबाबत सांगली शहर पोलीस ठाण्यात फिर्याद दिली आहे. अज्ञात चोरट्याविरुद्ध गुन्हा दाखल करण्यात आला असून पोलीस त्याचा शोध घेत आहेत.
