अनिल देशमुख, सचिन वाझे यांच्यासह देशमुखांचे दोन सचिव सीबीआयच्या ताब्यात

156 0

मुंबई- मनी लॉन्ड्रिग प्रकरणी महाराष्ट्राचे माजी गृहमंत्री अनिल देशमुख , त्यांचे स्वीय सचिव संजीव पालांडे आणि स्वीय सहाय्यक कुंदन शिंदे आणि बडतर्फ पोलीस अधिकारी सचिन वाझे आजपासून केंद्रीय तपास यंत्रणेच्या ताब्यात असणार आहेत. या चौघांना ताब्यात घेण्यासाठी सीबीआयचे एक पथक आर्थर रोड तुरुंगात तर दुसरे तळोजा कारागृहात पोहोचले आहे.

अँटिलीया स्फोटक प्रकरणातील कारचे मालक महसुख हिरेन हत्याप्रकरणी एनआयएने सचिन वाझेला १३ मार्च २०२१ ला अटक केली होती. तसेच शंभर कोटी वसुली प्रकरणी अनिल देशमुखांना ईडीने अटक केली होती. या प्रकरणी देशमुख यांचे स्वीय सहायक संजीव पालांडे आणि स्वीय सहाय्यक कुंदन शिंदे यांना देखील अटक केली होती.

आता या चार आरोपींना सीबीआयने आपल्या ताब्यात घेतले आहे. चौघांनाही अटक करण्यासाठी सीबीआयने शुक्रवारी विशेष पीएमएलए न्यायालय आणि विशेष एनआयए न्यायालयात अनिल देशमुख यांच्याविरुद्ध नोंदवलेत्या भ्रष्टाचाराच्या प्रकरणात त्यांना अटक करण्याची परवानगी मागितली. न्यायालयाने या चौघांनाही ताब्यात घेण्याची परवानगी दिली आहे.

दरम्यान, अनिल देशमुख यांना हॉस्पिटलमध्ये अ‍ॅडमिट करण्यात आलं आहे. खांद्यावरील शस्त्रक्रियेसाठी शनिवारी त्यांना रुग्णालयात दाखल करण्यात आलं आहे.

काय आहे प्रकरण?

मुंबईचे माजी पोलीस आयुक्त परमबीर सिंग यांनी मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार यांना पत्र लिहिलं होतं. या पत्रात त्यांनी तत्कालीन गृहमंत्री अनिल देशमुख यांच्यावर गंभीर आरोप केले होते. अनिल देशमुख यांनी निलंबित पोलीस अधिकारी सचिन वाझे याला प्रत्येक महिन्याला 100 कोटी रुपयांचं वसुली करण्याचं टार्गेट दिलं होतं, असा खळबळजनक दावा परमबीर सिंग यांनी पत्रातून केला होता.

परमबीर यांच्या लेटरबॉम्बनंतर निलंबित एपीआय सचिन वाझे याच्यावरही या प्रकरणातील प्रमुख आरोपी म्हणून अटकेची कारवाई करण्यात आली. तसंच अनिल देशमुख यांचे खासगी सचिव संजीव पालांडे आणि खासगी सहायक कुंदन शिंदे यांनाही याच प्रकरणात अटक करण्यात आली होती.

Share This News

Related Post

Yavatmal News

Yavatmal News : यवतमाळ हळहळलं ! पतीच्या ‘त्या’ छळाला वैतागून विवाहितेने 2 चिमुकल्यांसह घेतला जगाचा निरोप

Posted by - August 17, 2023 0
यवतमाळ : यवतमाळमध्ये (Yavatmal News) एक मन हेलावून टाकणारी घटना घडली आहे. यामध्ये (Yavatmal News) माहेरवरून पैसे आणण्यासाठी पती सतत…

श्रीमंत भाऊसाहेब रंगारी गणपती मंदिरात जल्लोषात श्रीराम प्रतिष्ठापना सोहळा

Posted by - January 23, 2024 0
पुणे:  हिंदुस्थानातील पहिला सार्वजनिक गणपती असलेल्या ‘श्रीमत भाऊसाहेब रंगारी गणपती मंदिरा’त श्रीराम प्रतिष्ठापना सोहळा जल्लोषात आणि भक्तीपूर्ण वातावरणात साजरा करण्यात…

काँग्रेस नेते राहुल गांधी यांच्यावरील ‘त्या’ टीकेमुळे शरद पोंक्षेंवर टीकेची झोड ; कुठे ही शस्त्र घेऊन या, मी निःशस्त्र येतो विश्वंभर चौधरींचे थेट आव्हान…!

Posted by - July 25, 2022 0
पुणे : अभिनेता शरद पोंक्षे हे त्यांच्या दर्जेदार अभिनय कौशल्यासह त्यांच्या सडेतोड वक्तव्या बाबत देखील प्रसिद्ध आहेत. त्यांच्या स्पष्टवक्तेपणामुळे ते…

खड्ड्यांचे पुणे : राष्ट्रवादी काँग्रेस पार्टीच्यावतीने स्वारगेट येथे आंदोलन ; रस्त्यावरील खड्यांमध्ये सोडली बदके आणि कागदी होड्या

Posted by - July 20, 2022 0
पुणे : शहरातील सर्व प्रमुख रस्त्यांवर मोठ्या प्रमाणात खड्ड्यांचे साम्राज्य झाले असून या खड्ड्यांमुळे वारंवार अपघात होत असून, गेल्या काही…
deccan police station

कोयता गॅंगनंतर पुण्यात टकटक गॅंगचा धुमाकूळ; पुणे पोलिसांपुढे या गॅंगला रोखण्याचे आव्हान

Posted by - May 4, 2023 0
पुणे : पुणे शहरात मागच्या काही महिन्यांत कोयता गॅंगने दहशत निर्माण केली होती. यानंतर पुणे पोलिसांनी धडक कारवाई करत या…

Leave a comment

Your email address will not be published. Required fields are marked *