पुणे : जयस्तंभ अभिवादन सोहळ्याची तयारी अंतिम टप्प्यात

252 0

पुणे : पेरणे फाटा येथे १ जानेवारी २०२३ रोजी आयोजित जयस्तंभ अभिवादन सोहळ्याची तयारी अंतिम टप्यात असून पोलीस आयुक्त रितेश कुमार आणि जिल्हाधिकारी डॉ.राजेश देशमुख यांनी जयस्तंभ परिसराला भेट देऊन सोहळ्याच्या नियोजनाचा आढावा घेतला.

यावेळी पोलीस सह आयुक्त संदीप कर्णिक, अतिरिक्त पोलीस आयुक्त रंजन कुमार शर्मा, प्र.मुख्य कार्यकारी अधिकारी चंद्रकांत वाघमारे, उपविभागीय अधिकारी संजय आसवले, तहसीलदार किरण सुरवसे, आदी उपस्थित होते.

जिल्हाधिकारी डॉ.देशमुख म्हणाले, अभिवादनासाठी येणाऱ्या अनुयायांचा विचार करता त्यांच्यासाठी पिण्याच्या पाण्याचे टँकर, शौचालय, वाहनतळ, रुग्णवाहिका, अग्निशमन वाहन तसेच आरोग्य विभागाच्यावतीने औषधे, मास्क आदी सुविधा उपलब्ध करुन देण्यात आल्या आहेत. एकूणच सर्व विभागाच्यावतीने नियोजनाप्रमाणे कामे करण्यात येत आहेत. शनिवारपर्यंत सर्व तयारी पूर्ण करण्याच्या सूचना त्यांनी अधिकाऱ्यांना दिल्या.

पोलीस आयुक्त रितेश कुमार म्हणाले, जयस्तंभास अभिवादन करण्यासाठी येणाऱ्या अनुयायांची संख्या लक्षात घेता अतिरिक्त अधिकारी व कर्मचाऱ्यांची नियुक्ती करण्यात आलेली आहे. राज्य राखीव दलाच्या ७ तुकड्या बंदोबस्तासाठी नेमण्यात आलेल्या आहेत. पोलीस विभागाच्यावतीने उत्तम पद्धतीने बंदोबस्त करण्यात येणार असून नागरिकांनी पोलीस प्रशासनास सहकार्य करण्याचे आवाहन त्यांनी केले.

सार्वजनिक बांधकाम विभागाचे मुख्य अभियंता अतुल चव्हाण आणि कार्यकारी अभियंता अजय भोसले यांच्या मार्गदर्शनाखाली परिसरात सुविधा निर्माण करण्यात येत असून जयस्तंभ फुलांनी सजविण्यात येत आहे. चारही बाजुंनी बॅरिकेट तसेच महिलांसाठी हिरकणी कक्ष आणि स्वतंत्र तात्पुरत्या स्वच्छता गृहाची व्यवस्था करण्यात आली आहे. परिसरात नियंत्रण कक्ष उभारण्यात आला असून पोलीस बंदोबस्तही ठेवण्यात आला आहे.

Share This News

Related Post

मनसे नेते संदीप देशपांडे यांचा मुंबई पोलिसांकडून शोध सुरु

Posted by - May 4, 2022 0
मुंबई- मनसे नेते संदीप देशपांडे यांच्यासमोरील अडचणी वाढल्या आहेत. पोलिसांना चकमा देऊन पळून जाण्याचा प्रयत्न संदीप देशपांडे आणि संतोष धुरी…
sanjay raut

शरद पवार यांच्यापाठोपाठ संजय राऊत यांनादेखील जीवे मारण्याची धमकी

Posted by - June 9, 2023 0
मुंबई : काही वेळापूर्वी शरद पवार यांना जीवे मारण्याची धमकी आल्यानंतर आता ठाकरे गटाचे खासदार संजय राऊत यांनादेखील जीवे मारण्याची…

पुण्यात स्पा सेंटरच्या नावाखाली वेश्या व्यवसाय, सहा महिलांची सुटका

Posted by - April 13, 2022 0
पुणे – मसाज सेंटरच्या नावाखाली वेश्या व्यवसाय सुरु असलेल्या ‘ओरा स्पा’ सेंटरवर पोलिसांच्या सुरक्षा विभागाने कारवाई केली. या कारवाईत स्पा…
sharad pawar and ajit pawar

‘या’ कारणामुळे पवारांच्या पत्रकार परिषदेला उपस्थित नव्हतो; अजित पवारांचा खुलासा

Posted by - May 7, 2023 0
पुणे : शरद पवार यांनी आपल्या पुस्तक प्रकाशनाच्या कार्यक्रमात पक्षाध्यक्ष पदाचा राजीनामा दिला. त्यामुळे राष्ट्रवादी काँग्रेस पक्षामध्ये मोठी खळबळ उडाली…
Rashmi Shukla

Rashmi Shukla : फोन टॅपिंगचे आरोप झालेल्या रश्मी शुक्लांची राज्याच्या पोलीस महासंचालकपदी नियुक्ती

Posted by - October 3, 2023 0
मुंबई : फोन टॅपिंगचे आरोप झालेल्या व नंतर क्लीन चिट मिळालेल्या आयपीएस अधिकारी रश्मी शुक्ला (Rashmi Shukla) यांची महाराष्ट्राच्या पोलीस…

Leave a comment

Your email address will not be published. Required fields are marked *