PUNE CRIME : पुण्यात कोयता गॅंगची दहशत वाढली! वेळू पेट्रोल पंपावर दरोडा; चार कामगारांना जखमी करून रोकड लुटली, पहा व्हिडिओ

409 0

पुणे : पुण्यात कोयता गँगची दहशत दिवसेंदिवस वाढतच चाललीये. काल शुक्रवारी रात्री पुणे-सातारा महामार्गावरील वेळू येथील श्रीराम पेट्रोल पंपावर काही अज्ञातांनी कामगारांवर कोयत्यानं हल्ला करत 22 हजार रूपये लुटले. हा सारा प्रकार सीसीटीव्ही कॅमेऱ्यात कैद झालाय.

पुणे-सातारा महामार्गावरील वेळू गावच्या हद्दीत तुषार जगताप यांच्या श्रीराम पेट्रोल पंपावर काल रात्री साडे अकराच्या सुमारास कोयता गॅंगनं दरोडा टाकला. पाच अज्ञातांनी सशस्त्र दरोडा टाकून 22 हजार रुपये लुटले. तीन कामगारांसह एका सुरक्षारक्षकाला कोयत्यानं मारहाण केल्यानं ते गंभीर जखमी झाले. शुक्रवारी रात्री साडे अकराच्या सुमारास पाच जण दोन दुचाकींवरून पेट्रोल पंपावर आले. त्यांनी सुरक्षारक्षक भरत परिहार यांच्या हाताला पकडून पेट्रोल पंपाच्या ऑफिसमध्ये आणले.

त्यानंतर कॅश द्या, असं ओरडत त्यांना शिवीगाळ केली. 22 हजार रुपये लुटत कोयत्यानं सुरक्षारक्षक आणि इतर तीन कामगारांना गंभीर जखमी केलं. त्यानंतर त्यांनी पुण्याच्या दिशेनं पलायन केलं. ही सर्व घटना सीसीटीव्ही कॅमेऱ्यात कैद झालीये. आहे. या प्रकरणी योगेश विनायक हिंगे यांनी आरोपींविरोधात भोर पोलीस ठाण्यात फिर्याद दिलीये. दरम्यान, या घटनेच्या तपासासाठी पोलीस निरीक्षक सचिन पाटील, सहायक पोलीस निरीक्षक मनोजकुमार नवसरे आणि संजय सुतनासे यांच्या नेतृत्वाखाली तीन पथकं आरोपींच्या शोधासाठी रवाना झाली आहेत. पोलीस उपनिरीक्षक श्रीकांत जोशी या घटनेचा तपास करत आहेत.

पुण्यासह संपूर्ण जिल्ह्यात गेली काही दिवसांपासून कोयता गॅंगची दहशत वाढू लागलीये. कोयत्यानं हल्ला करणं, रोकड लंपास करणं आणि पळ काढणं हे प्रकार वाढू लागलेत. पोलिसांनी या कोयता गॅंगच्या मुसक्या आवळून त्यांच्यावर लवकरात लवकर जरब बसवण्याची मागणी आता जोर धरू लागलीये.

Share This News

Related Post

ठोस पुराव्याच्या अभावी कुख्यात गुंड गजा मारणेला जामीन

Posted by - April 4, 2023 0
व्यावसायिकाकडे वीस कोटी रुपयांची खंडणी मागितल्याप्रकरणी अटकेत असलेला कुख्यात गुंड गजानन उर्फ गजा मारणे याला जामीन मंजूर करण्यात आला आहे.…
Kolhapur News

Kolhapur News : दारूची नशा डोक्यात गेल्याने पोलिसाचा ‘गुंड’ झाला; कोल्हापूरच्या हॉटेलमधील धक्कादायक Video आला समोर

Posted by - March 14, 2024 0
कोल्हापूर : कोल्हापूरमधून (Kolhapur News) खाकीला काळिमा फासणारी घटना समोर आली आहे. कोल्हापूरच्या एका पोलिसाने हॉटेलमध्ये संतापजनक कृत्य केलं आहे.…

“चोराला चोर म्हणणे हा आपल्या देशात गुन्हा ठरला…!” ; उद्धव ठाकरेंची सडेतोड प्रतिक्रिया

Posted by - March 24, 2023 0
काँग्रेस नेते राहुल गांधी यांची खासदारकी रद्द करण्यात आली आहे. त्याबद्दलची नोटीसही त्यांना देण्यात आली आहे. लोकसभा सचिवालयाने याबाबतचे आदेश…

Breaking ! नाशिकच्या सिक्युरिटी नोट प्रेसच्या आवारात आग

Posted by - March 31, 2022 0
नाशिक- चलनी नोटांची निर्मिती करणाऱ्या नाशिकच्या सिक्युरिटी नोट प्रेसच्या आवारात अचानक मोठी आग लागल्याची घटना घडली आहे. नोट प्रेसच्या मागील…

व्यसनाधीन पतीने दारूसाठी 100 रुपये मागितले म्हणून पत्नीने थेट रॉडने …

Posted by - December 6, 2022 0
उत्तर प्रदेश : उत्तर प्रदेशमधील या घटनेने एकच खळबळ उडाली आहे. व्यसनाधीन पतीने पत्नीकडे शंभर रुपये दारू पिण्यासाठी मागितले. त्यानंतर…

Leave a comment

Your email address will not be published. Required fields are marked *