ट्रक चालकाला लुबाडणाऱ्या टोळीचा कसारा घाटात थरारक पाठलाग, एका दरोडेखोराला अटक

642 0

इगतपुरी- बंद पडलेल्या ट्रकच्या चालकाला मारहाण करुन त्याला लुटणाऱ्या टोळीपैकी एकाला पोलिसांनी फिल्मी स्टाइल पाठलागानंतर पकडले. या झटापटीत एक पोलीस कर्मचारी जखमी झाला आहे. ही घटना पहाटे साडेचार वाजण्याच्या सुमारास कसारा घाटात घडली.

विजय रामदास ढमाळे असे पोलिसांनी पकडलेल्या दरोडेखोरांचे नाव आहे. या घटनेत पोलीस हवालदार मुरलीधर गायकवाड जखमी झाले आहेत.

नाशिक दिशेहून मुंबईकडे लोखंडी प्लेट घेऊन जाणारा ट्रक (एम एच 40 बी जी 6165) बंद पडला होता. रात्रीच्या सुमारास नवीन कसारा घाट उतरत असताना गाडीचा पाटा तुटल्यामुळे महामार्ग पोलिसांच्या मदतीने चालकाने ट्रक रस्त्याच्या बाजूला लावून ठेवला होता. रात्रीच्या वेळी गॅरेज उपलब्ध होत असल्याने महामार्ग पोलिसांनी ट्रक चालकाला मोबाईल नंबर दिला आणि ते गस्तीसाठी निघून गेले.

पहाटे साडेचारच्या सुमारास पल्सर बाईकवर तिघे जण आले. पूर्ण काळे कपडे परिधान केलेल्या या तिघा तरुणांनी गाडीतील चालकास आवाज देत उठवलं. दादागिरी करत ट्रकवर दगडफेक केली. ट्रक चालकाने प्रसंगावधान राखत महामार्ग पोलिसांना कॉल केला. मात्र तोपर्यंत तिघा दरोडेखोरांनी ट्रकमध्ये चढून ट्रक चालक विकी खोब्रागडे आणि क्लिनर निधी वासनिक यांना बेदम मारहाण केली. त्यांच्याकडील रोख रक्कम आणि मोबाईल हिसकावून घेतले.

त्याच दरम्यान महामार्ग पोलीस घोटी केंद्राचे माधव पवार, मुरलीधर गायकवाड, दीपक दिंडे आणि संजय नंदन हे तिथे पोहोचले. पोलीस आल्याचे समजताच लुटारुंनी अंधाराचा फायदा घेत पोलिसांवर हल्ला चढवण्याचा प्रयत्न केला. त्यानंतर जंगलात पळ काढला. पोलिसांनी त्यांचा पाठलाग केला. तिघा दरोडेखोरांपैकी मुख्य सूत्रधार असलेल्या विजय रामदास ढमाळे (रा. इगतपुरी) याला पोलिसांनी फिल्मी स्टाईलने पकडले. पोलीस हवालदार मुरलीधर गायकवाड यांनी त्याला पकडून ठेवले असता ढमाळे याने गायकवाड यांच्यावर धारदार हत्याराने हल्ला चढवला. त्यात ते जखमी झाले. अन्य कर्मचाऱ्यांनी त्याच्या मुसक्या आवळून त्याला कसारा पोलिसांच्या ताब्यात दिले. आरोपींकडे असलेली दुचाकी MH 15 HB 1075 देखील पोलिसांनी ताब्यात घेतली आहे.

Share This News

Related Post

Rain Alert

Weather Update : महाराष्ट्रात पुढील 24 तासांत मुसळधार पाऊसाची शक्यता; ‘या’ जिल्ह्यांना देण्यात आला ऑरेंज अलर्ट

Posted by - April 10, 2024 0
आज पुन्हा एकदा महाराष्ट्रात जोरदार पाऊस होणार असल्याची शक्यता हवामान खात्याकडून (Weather Update) वर्तवण्यात आली आहे. काही ठिकाणी गारपीट तर…

देवेंद्र फडणवीस आणि एकनाथ शिंदे यांचा आजच शपथविधी होणार

Posted by - June 30, 2022 0
शिवसेना नेते एकनाथ शिंदे यांच्या समर्थक आमदारांनी बंडखोरी करत महाविकास आघाडी सरकारला सुरूंग लागवल्याने गेले आठ-दिवस महाराष्ट्रातील राजकीय वातावरण ढवळून…

प्रसिद्धीसाठी स्वातंत्र्यवीरांना बदनाम करण्याची राहुल गांधींना खोड आहे – जगदिश मुळीक

Posted by - November 18, 2022 0
पुणे : राहुल गांधींच्या स्वातंत्र्यवीर सावरकरांवरील अत्यंत घृणास्पद वक्तव्यानंतर आज पुण्यात काँग्रेस च्या कार्यकर्त्यांनी सारसबागेजवळील स्वातंत्र्यवीर सावरकर यांच्या पुतळ्या जवळ…
Ahmadnagar Murder

वाद करू नका म्हणणाऱ्या मेव्हणीचाच ‘कार्यक्रम’

Posted by - May 23, 2023 0
अहमदनगर : अहमदनगरमध्ये (Ahmadnagar) एक धक्कादायक घटना उघडकीस आली आहे. यामध्ये भांडण सोडवायला गेलेल्या महिलेची तिच्या मेव्हण्यानेच हत्या (Murder) केली…

पुण्यात घडतंय तरी काय ? महिला रिक्षाचालकाशी ग्राहकाच अश्लाघ्य वर्तन; नंतर नग्न होऊन केली थेट शरीर सुखाची मागणी, म्हणाला ,’मला तुझ्याशी इथेच…’

Posted by - December 30, 2022 0
पुणे : पुण्याच्या कात्रज घाटामध्ये घडलेल्या या घटनेने नक्की पुण्यात घडतंय तरी काय ? असाच प्रश्न पडतो आहे. रोज एक…

Leave a comment

Your email address will not be published. Required fields are marked *