पुणे- पतीसोबत हॉटेलमध्ये जेवायला गेलेल्या गेलेल्या विवाहितेला निर्जन ठिकाणी नेऊन तिच्यावर गँग रेप केल्याची धक्कादायक घटना उघडकीस आली आहे. या घटनेने पुणे जिल्ह्यात खळबळ उडाली आहे. ही घटना यवत पोलीस ठाण्याचा हद्दीत ही घटना घडली असून आरोपीना यवत पोलिसांनी 24तासात गजाआड केले आहे.
या बाबतची माहिती अशी की, आपल्या पतीसोबत वाढदिवस साजरा करण्यासाठी पत्नी दौंड तालुक्यातील यवत येथील एका हॉटेलमध्ये जेवण करण्यासाठी गेली होती. पती हॉटेलमध्ये विचारपूस करण्यासाठी गेला असता, विवाहिता बाहेर उभी होती. यावेळी तिच्या भावाचा अपघात झाला आहे, असं खोटं सांगून आरोपींनी तिला पळवून नेलं.
महिलेला फसवून तिला दुचाकीवर बसवून सात किलोमीटर अंतरावर नेले. त्यानंतर दौंड तालुक्यातील खोर गावामध्ये इनामटेकडी परिसरातील खिंडीची वाडी भागात तिला एका निर्जनस्थळी नेऊन तिच्यावर पाच आरोपींनी सामूहिक बलात्कार केला असा आरोप पीडितेने केला आहे. या प्रकरणी पीडितेने यवत पोलीस ठाण्यात फिर्याद दाखल केल्यानंतर पोलिसांनी 24 तासात 5 आरोपीना अटक केली आहे. यवत पोलीस पुढील तपास करत आहेत.
