बडे अधिकारी असल्याचे भासवून तब्बल 250 तरुणींना फसवणाऱ्या दोन भामट्याना अटक (व्हिडिओ)

376 0

पिंपरी- केंद्र सरकारमध्ये बडे अधिकारी असल्याची खोटी ओळख सांगून तब्बल अडीचशे पेक्षा जास्त तरुणींना फसविणाऱ्या आणि त्यांचे शारीरिक शोषण करणाऱ्या दोन भामट्यांना पिंपरी चिंचवड पोलिसांनी जेरबंद केलंय. एका सामाजिक कार्यकर्ता महिलेच्या मदतीने या दोघांना पोलिसांनी अटक केली.

निशांत रमेशचंद नंदवाना आणि हर्षद शर्मा अशी या दोन भामट्यांची नावे आहेत. दोघांच्या विरोधात बलात्कार आणि फसवणुकीचा गुन्हा दाखल केला आहे.
पोलिसांनी दिलेल्या माहितीनुसार, निशांत रमेशचंद नंदवाना आणि हर्षद शर्मा हे दोघेजण मूळचे राजस्थानमधील असून त्यांनी आजपर्यंत कर्नाटक, महाराष्ट्र, आणि हरयाणा राज्यातील एकूण २५५ मुलींना आपल्या जाळ्यात ओढून त्यांना लग्नाचे आमिष दाखवून त्यांची लाखो रुपयांची फसवणूक केली आहे तसेच त्यांचे शारीरिक शोषण केले आहे.

कधी अभव कश्यप तर कधी अदीत व्यास… कधी आघव अग्निहोत्री तर कधी अश्विक शुक्ला अशा वेगवेगळ्या नावाने बनावट आधारकार्ड तयार करून केंद्र सरकारच्या विविध खात्याचे बनावट आयकार्ड तयार करून हे दोन भामटे मेट्रोमोनीयल साईटवर आपली माहिती द्यायचे. त्यांच्याशी संपर्क केलेल्या मुलींशी ओळख करून त्यांना लग्नाचे आमिष दाखवून त्यांची फसवणूक करायचे.

पुण्यती सामाजिक कार्यकर्त्या मनीषा धारणे यांच्याशी काही पीडित तरुणींनी संपर्क साधला असता धारणे यांनी त्यांची सर्व माहिती जाणून घेतली. त्यानंतर पिंपरी- चिंचवडचे पोलीस आयुक्त कृष्ण प्रकाश यांच्याशी धारणे यांनी संपर्क साधला. त्यानंतर पोलिसांनी तपासाची चक्रे फिरवून या दोघांना अटक केली. दोघांनीही आपल्या गुन्ह्याची कबुली दिली असून पिंपरी-चिंचवड पोलीस पुढील तपास करत आहेत.

Share This News

Related Post

तीन वरिष्ठांना डावलून तुकाराम सुपे यांच्याकडे अध्यक्षपदाचा अतिरिक्त कार्यभार

Posted by - February 21, 2022 0
पुणे- टीईटी गैरव्यवहार प्रकरणी अटकेत असलेले तुकाराम सुपे यांच्यावर मंत्रालयातील वरिष्ठांच्या वरदहस्तामुळे मेहेरनजर होती अशी बाब पुढे आली आहे. तुकाराम…
MNS Worker

Sinnar Toll Plaza : सिन्नर टोलनाका तोडफोडी प्रकरणी 8 जणांना अटक

Posted by - July 24, 2023 0
नाशिक : मनसे नेते अमित ठाकरे यांचा ताफा थांबवल्याने संतप्त मनसे कार्यकर्त्यांनी समृद्धी महामार्गावर असलेल्या सिन्नर येथील टोलनाक्याची (Sinnar Toll…

आयकर विभागाच्या छापेमारीनंतर यशवंत जाधव यांना ईडीचे समन्स

Posted by - May 25, 2022 0
मुंबई- शिवसेनेचे नेते यशवंत जाधव यांच्या अडचणी काही कमी होताना दिसत नाहीयेत. इन्कम टॅक्स विभागाकडून छापेमारी करण्यात आल्यानंतर आता यशवंत…

सावित्रीबाई फुले पुणे विद्यापीठाची अधिसभा संपन्न

Posted by - March 12, 2023 0
  पुणे: सावित्रीबाई फुले पुणे विद्यापीठात दिनांक ११ व १२ मार्च २०२३ रोजी विद्यापीठाची अधिसभा संपन्न झाली. या अधिसभेत विद्यार्थी…

Leave a comment

Your email address will not be published. Required fields are marked *