मुंबई : गटारी अमावस्येनिमित्त (Gattari Utsav) भाजपच्या वतीनं मोफत कोंबडी वाटप करण्यात येणार आहे. याचे पोस्टर सोशल मीडियावर मोठ्या प्रमाणात व्हायरल होत आहे. या पोस्टरवर कोकण विकास आघाडीचं नाव आहे. दिप अमावस्या गटारी निमित्त (Gattari Utsav) कोंबडी वाटप असा मजकूर या पोस्टरवर छापण्यात आला आहे. या पोस्टरवर पंतप्रधान नरेंद्र मोदी आणि उपमुख्यमंत्री देवेंद्र फडणवीस यांचा फोटोदेखील आहे.
तसेच या पोस्टरवर भाजपचे पदाधिकारी बबन तोडणकर आणि चेतन देवळेकर यांचं आयोजक म्हणून तर भाजप मुंबई सचिव सचिन विद्याधर शिंदे यांचं नाव देखील या पोस्टरवर छापण्यात आले आहे. सध्या हे पोस्टर सोशल मीडियावर मोठ्या प्रमाणात व्हायरल होताना दिसत आहे.
UPI Lite : आनंदाची बातमी ! आता GPay वरून PIN न टाकता झटपट करता येईल पेमेंट
आज शनिवारी सायंकाळी 6 वाजता कोंबडी वाटपचा कार्यक्रम ठेवण्यात आला आहे. प्रभादेवी नाका (सर्कल), प्रभादेवी या ठिकाणी हा कोंबडी वाटपाचा कार्यक्रम घेण्यात येणार आहे. विशेष म्हणजे या पोस्टरवर भाजपच्या सर्वच बड्या नेत्यांचे फोटो देखील छापण्यात आले आहेत. यामुळे या पोस्टरची चर्चा सर्वत्र रंगली आहे.
