पुणे : मंगळवारी अमली पदार्थ विरोधी पथक गुन्हे शाखा 1 मधील पोलीस अंमलदार यांना बातमीदारामार्फत मिळालेल्या माहितीनुसार नालंदा गार्डन रेसिडेन्सी बाणेर पुणे या ठिकाणी एक नायजेरियन जोडपे राहत असून ते राहत्या घरातूनच कोकेन , MD असे अमली पदार्थ मोठ्या प्रमाणावर विक्री करत आहेत ,अशी खात्रीशीर बातमी मिळाली .
मिळालेल्या माहितीच्या अनुषंगाने , या जोडप्याच्या घरावर छापा टाकून नायजेरियन इसम उगूचुकु इम्यानुअल वय वर्षे 43 आणि ऍनीबेली ओमामा विव्हान वय वर्षे 30 यांना 1,31,08,800 रुपयांच्या मुद्देमालासह ताब्यात घेण्यात आले आहे .
यामध्ये 644 ग्रॅम MD मेफेड्रोन किरु 96,60,000/- किमतीचे , तसेच 120 मिलिग्रॅम कोकेन किरू 30,16,800 यासह रोख रुपये 02,16,000/- आणि मोबाईल फोन ,इलेक्ट्रॉनिक वजन काटा, प्लास्टिक पिशव्या आणि डब्या असा 2,16,000/- रुपयांचा मुद्देमाल जप्त करण्यात आला आहे.
