पुणे : उपमुख्यमंत्री अजित पवार यांचे सुपूत्र पार्थ पवार (Parth Pawar) यांनी पुण्यात कुख्यात गुंड गजा मारणेची भेट घेतल्याने राजकीय वर्तुळात खळबळ उडाली असून चर्चाना उधाण आले आहे. आगामी लोकसभा निवडणुकांच्या पार्श्वभूमीवर पार्थ पवार यांनी गजा मारणेची भेट घेल्याने उलटसुलट चर्चा सुरु झाली आहे. या भेटीच्यावेळी पार्थ पवार यांच्यासोबत यावेळी शहराध्यक्ष दीपक मानकर आणि माजी महापौर दत्ता धनकवडे उपस्थित होते. निवडणुकीच्या पार्श्वभूमीवर झालेल्या या भेटीदरम्यान गजा मारणेची पत्नी जयश्री मारणे देखील उपस्थित होत्या.
कोण आहे गजा मारणे?
गजा उर्फ महाराज उर्फ गजानन पंढरीनाथ मारणे याचा जन्म मुळशी तालुक्यातील गावात झाला आहे. शास्त्रीनगरमध्ये राहण्यासाठी आल्यानंतर तो गुन्हेगारीकडे वळला होता. कोथरुड आणि पुणे शहरात मारणे टोळीची दहशत आहे. घायवळ गँग आणि मारणे गँग यांच्यातील वर्चस्वाचा वाद सर्वश्रुत आहे. अमोल बधे आणि पप्पू गावडे हत्या प्रकरणी गजा मारणेला अटक झाली होती. या प्रकरणी तो 3 वर्षं येरवडा जेलमध्ये होता. गजा मारणेविरोधात खून, खुनाचा प्रयत्न, खंडणी, अपहरण, दहशत माजविणे असे गंभीर गुन्हे दाखल आहेत.
गजा मारणेची पत्नी जयश्री या राजकारणात असून त्या मनसेच्या नगरसेविका होत्या. पार्थ पवारांनी गजा मारणे आणि जयश्री यांची भेट घेतल्याचे फोटो समाजमाध्यमांवर व्हायरल झाले आहेत. यानंतर राजकीय वर्तुळात अनेकांच्या भुवया उंचावल्या आहेत. या भेटीमुळे कोथरुडमधील राजकीय समीकरण बदलण्याची शक्यता व्यक्त केली जात आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Samruddhi Highway Accident: समृद्धी महामार्गावर भीषण अपघात; 3 जणांचा मृत्यू
Fighter Movie : रिलीज आधीच फायटर सिनेमाला बसला ‘हा’ मोठा धक्का
Maratha Reservation : ‘ट्रॅप रचणाऱ्यांबाबत गौप्यस्फोट करणार’ जरांगें पाटलांनी केली मोठी घोषणा
Maratha Reservation : मुंबई-पुणे द्रुतगती महामार्गावरील मुंबईच्या दिशेची वाहतूक गुरुवारी राहणार बंद
