अपहरण झालेला 5 वर्षाचा मुलगा 3 तासात सापडला सुखरूप, बिबवेवाडी पोलिसांची कामगिरी (व्हिडिओ)

454 0

पुणे- आईबरोबर असलेल्या कौटुंबिक वादातून पाच वर्षाच्या मुलाचे अपहरण करणाऱ्या तरुणाला बिबवेवाडी पोलिसांनी तीन तासांच्या आत गजाआड केले. पोलिसांनी त्वरित केलेल्या तपासामुळे मुलगा सुखरूपपणे आईच्या कुशीत विसावला.

स्वप्नील रमेश शिंदे असे आरोपीचे नाव आहे. त्याच्या विरोधात अपहरणाचा गुन्हा दाखल करण्यात आला आहे. या प्रकरणी ज्योती धनराज साळुंखे ( रा.पवना नगर चाल क्र ६ )यांनी फिर्याद दिली आहे.

परिमंडळ ५ च्या पोलीस उपायुक्त नम्रता पाटील यांनी दिलेल्या माहितीनुसार, फिर्यादी ज्योती साळुंखे यांचा पाच वर्षाचा मुलगा नीरज हा बुधवारी (दि. २) संध्याकाळच्या सुमारास आपल्या घरासमोर खेळात असताना आरोपी शिंदे याने चॉकलेटचे आमिष दाखवून जीवे मारण्याच्या उद्देशाने अपहरण केले. फिर्यादी साळुंखे यांनी आरोपी स्वप्नील शिंदे याच्यावर संशय व्यक्त केला. या प्रकरणी फिर्याद दाखल होताच पोलिसांनी शोधमोहीम हाती घेतली. त्यानंतर याच्या नातेवाइकांकडे चौकशी सुरु केली. त्यानंतर सीसीटीव्ही फुटेज तपासून, तांत्रिक विश्लेषणाच्या आधारे बिबवेवाडी, स्वारगेट, मार्केटयार्ड या भागात तपास सुरु केला.

अंधारामध्ये पार्क केलेली वाहने चेक करीत असताना पोलीस निरीक्षक अनिता हिवरकर, पोलीस नाईक देववते व पोलीस हवालदार देशमाने यांना एका रिक्षामध्ये आरोपी एका लहान मुलाला घेऊन बसलेला आढळून आला. या मुलाला ताब्यात घेऊन मुलगा सुखरूप असल्याची खात्री केली. सदर आरोपीने मुलाच्या आईसोबत असलेल्या भांडणाच्या रागातून मुलाला पळवून नेले असल्याचे प्राथमिक तपासात निष्पन्न झाले आहे सदर मुलाची आई मॉलमध्ये नोकरी करून ती एकटीच त्या मुलाचा सांभाळ करीत आहे. आरोपीने दुपारपासून पाळत ठेवून मुलाला पळवून नेले.

सदरची कारवाई परिमंडळ ५ च्या पोलीस उपायुक्त नम्रता पाटील यांच्या मार्गदर्शनाखाली बिबवेवाडी पोलीस ठाण्याचे वरिष्ठ पोलीस निरीक्षक झारे, पोलीस निरीक्षक गुन्हे अनिता हिवरकर, सहाय्यक पोलीस निरीक्षक प्रवीण करके आणि पोलीस कर्मचाऱ्यांनी केली.

Share This News

Related Post

Crime

कचरा वेचणाऱ्यांवर उकळते पाणी ओतले. दोघांचा मृत्यू, एक गंभीर जखमी, सासवडमधील घटना

Posted by - June 3, 2022 0
पुणे- पुणे जिल्ह्यातील सासवडमध्ये एक धक्कादायक घटना घडली आहे. रस्त्यावर कचरा वेचणाऱ्या तिघांवर एका हॉटेल चालकानं उकळतं पाणी ओतले. यामध्ये…
Acid Attack

Acid Attack : लग्न मोडल्यामुळे संतप्त होऊन आरोपीचे झोपलेल्या तरुणीसोबत ‘हे’ संतापजनक कृत्य

Posted by - July 12, 2023 0
अयोध्या : उत्तर प्रदेशातील अयोध्येमधून एक संतापजनक घटना समोर आली आहे. यामध्ये लग्न मोडल्याने संतप्त झालेल्या तरुणाने एका तरुणीवर अ‍ॅसिड…
indurikar-maharaj

इंदोरीकर महाराजांच्या अडचणीत वाढ; ‘ते’ विधान भोवले, कोर्टाने दिला ‘हा’ महत्वाचा आदेश

Posted by - June 16, 2023 0
औरंगाबाद : सुप्रसिद्ध कीर्तनकार इंदोरीकर महाराज (Indorikar Maharaj) यांच्या अडचणींमध्ये वाढ होण्याची शक्यता आहे. त्यांनी आपल्या कीर्तनातून लिंगभेदावर केलेले भाष्य…

‘मराठी माथाडी कामगारांवर अन्याय जर होत असेल तर याद राखा..!’ निलेश माझिरे यांचा अधिकाऱ्यांना मनसे स्टाईल इशारा

Posted by - November 9, 2022 0
पुणे : माथाडी कामगारांचे तीन वर्षापासून एका गोडाऊनने पेमेंट थांबवले आहे. माथाडी बोर्डाला वारंवार पत्रव्यवहार करून पण उत्तर मिळाले नाही.…

Brekaing News ! दुचाकीवरुन जाणाऱ्या एकाच कुटुंबातील चौघांना कंटेनरची धडक, आई आणि मुलीचा मृत्यू

Posted by - June 3, 2022 0
देहुरोड- भरधाव कंटेनरची दुचाकीला धडक बसून दुचाकीवरून जाणाऱ्या एकाच कुटुंबातील चौघांपैकी दोघांचा जागीच मृत्यू झाला. हा अपघात कात्रज- देहूरोड बायपास…

Leave a comment

Your email address will not be published. Required fields are marked *