पुणे: पुणे शहर आणि परिसरात गेल्या काही तासांपासून मुसळधार सुरू आहे. ढगांच्या गडगडाटासह मुसळधार पाऊस पडत असून राज्यातील अनेक भागांमध्ये पावसाचं थैमान बघायला मिळत आहे.
मुंबई आणि ठाणे जिल्ह्यात दोन दिवसांपूर्वी प्रचंड मुसळधार पाऊस पडला होता.
पुण्यात ढगफुटी सदृश्य पाऊस झाल्याने अनेक ठिकाणी पाणी साचले असून झाडपडीच्या घटना घडल्या आहेत. गेल्या दोन तासात कोसळणारया मुसळधार पाऊसामुळे अग्निशमन दलाकडे 8 ठिकाणी पाणी साचल्याच्या घटना तर 5 ठिकाणी झाडपडीच्या नोंदी आल्या असून अग्निशमन अधिकारी व जवान प्रत्यक्ष घटनास्थळी काम करत आहेत.
या ठिकाणी साचलं पाणी
- 1)चंदननगर पोलिस स्टेशन
- 2) वेदभवन, कोथरुड
- 3) वनाज जवळ कचरा डेपो, कोथरुड
- 4) लमाण तांडा, पाषाण
- 5) सोमेश्वर वाडी, पाषाण
- 6) वानवडी, शितल पेट्रोल पंप
- 7) बी टी कवडे
- 8) काञज उद्यान
एकूण झाडपडीच्या घटना
1) एनसीएल जवळ पाषाण
2) साळुंखे विहार, कोंढवा
3) ज्योती हॉटेल जवळ कोंढवा
4) चव्हाणनगर
5) रुबी हॉल जवळ, पुणे स्टेशन