पुणे : लोकसभा निवडणुकीच्या (Loksabha) तिसऱ्या टप्प्यातील निवडणुका 7 मे रोजी पार पडणार आहेत. मात्र त्या अगोदर अजित पवार आणि शरद पवार यांना मोठा धक्का बसला आहे. निवडणूक अधिकाऱ्याने सुप्रिया सुळे आणि सुनेत्रा पवार यांना नोटीस पाठवली आहे. बारामती लोकसभा मतदारसंघाच्या राष्ट्रवादी काँग्रेस शरदचंद्र पवार पक्षाच्या सुप्रिया सुळे आणि राष्ट्रवादी काँग्रेस पक्षाच्या उमेदवार सुनेत्रा पवार यांना निवडणूक निर्णय अधिकारी कविता द्विवेदी यांनी नोटीस पाठवली आहे.
का पाठवली नोटीस?
उमेदवारी अर्ज भरताना संपत्तीची सगळी माहिती देणं आवश्यक असतं. या माहितीमध्ये तफावत असल्याचं निवडणूक अधिकाऱ्यांचं म्हणणं आहे. उमेदवारांनी दाखविलेल्या खर्चात आणि निवडणूक निर्णय अधिकाऱ्यांकडील शॅडो रजिस्ट्रर खर्चात तफावत आढळली आहे.ही तफावत का आली याबाबत पुढच्या 48 तासांत खुलासा करण्याच्या सूचना निवडणूक अधिकाऱ्यांनी दिल्या आहेत.
सुप्रिया सुळे यांचा 28 एप्रिलपर्यंतचा 37 लाख 23 हजार 610 रुपयांचा खर्च दाखविण्यात आला आहे. मात्र, उमेदवारांच्या खर्च प्रतिनिधीने दाखविलेल्या खर्चाशी निवडणूक अधिकाऱ्यांनी शॅडो रजिस्टरशी तुलना केली. त्यावेळी त्यात एक लाख तीन हजार 449 रुपयांची तफावत आढळल्याचे नोटीसमध्ये उल्लेख आहे. उमेदवाराने दिलेला खर्च खरा आणि योग्य वाटत नसल्याचा उल्लेख नोटीसमध्ये करण्यात आला आहे.
तर दुसरीकडे राष्ट्रवादी काँग्रेसच्या उमेदवार सुनेत्रा पवार यांनी 28 एप्रिलपर्यंतचा खर्च 29 लाख 93 हजार 31 रुपये इतका झाल्याचे दाखविले आहे. मात्र, खर्च प्रतिनिधीने दाखविलेला खर्च आणि शॅडो रजिस्टरशी तुलना करता हा खर्च जुळत नाही. त्यात नऊ लाख 10 हजार 901 रुपयांची तफावत आढळून आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Sushma Andhare : सुषमा अंधारेंना आणायला गेलेलं हेलिकॉप्टर क्रॅश; सुषमा अंधारे आणि पायलट सुखरुप
