झुंड सिनेमाने सर्वांनाच भुरळ घातली आहे. नुकतीच रितेश देशमुखनं एक खास पोस्ट सोशल मीडियावर शेअर केली. या पोस्टमध्ये त्यानं झुंड चित्रपटाच्या टीमचं कौतुक करत दिग्दर्शक नागराज मंजुळे यांना देशातील चांगला दिग्दर्शक, असं म्हटलं आहे.
रितेशनं पोस्टमध्ये लिहिले, ‘सर्वांनी कृपया झुंड हा चित्रपट चित्रपटगृहात जाऊन पाहावा. नागराज मंजुळे हा आपल्या देशातील चांगला दिग्दर्शक आहे. हा चित्रपट पाहिल्यानंतर अनेक विचार तुमच्या मनामध्ये येतील अमिताभ बच्चन सर तुम्ही या चित्रपटात खूप चांगलं काम केलं आहे. तुमचा हा अनोखा अंदाज खूप आवडला. या चित्रपटातील प्रत्येक कलाकारानं चांगलं काम केलं आहे.’ या पोस्टमध्ये रितेशनं अजय- अतुलचं देखील कौतुक केलं आहे.
