मुंबई : सध्या संपूर्ण देशात चर्चेत असलेला सुदीप्तो सेन दिग्दर्शित चित्रपट ‘द केरळ स्टोरी’ हा 5 मे रोजी रिलीज झाला. यानंतर या चित्रपटामुळे मोठ्या प्रमाणात गदारोळ झाला. या चित्रपटाने बॉक्स ऑफिसवर बंपर कमाई केली आहे. हा चित्रपट लवकरच 100 कोटींचा आकडा पार करेल. हा चित्रपट या वर्षातील ब्लॉकबस्टर हिट ठरला आहे. मध्यप्रदेश, हरियाणा आणि उत्तर प्रदेश सारख्या राज्यांमध्ये हा चित्रपट करमुक्त करण्यात आला तर काही राज्यात या चित्रपटाच्या प्रदर्शनावर बंदी घालण्यात आली आहे.
या चित्रपटाबद्दल बोलायचे झाल्यास हा चित्रपट 3 महिलांवर आधारित आहे. ‘द केरळ स्टोरी’ याचे दिग्दर्शन सुदिप्तो सेन यांनी केले असून विपुल अमृतलाल शाह यांनी या चित्रपटाची निर्मिती केली आहे. या चित्रपटात अदा शर्मा, योगिता बिहानी, सोनिया बालानी आणि सिद्धी इदनानी यांनी मुख्य भूमिका साकारल्या आहेत. हा चित्रपट बॉक्स ऑफिसवर (Box Office Collection) नवीन विक्रम करत असताना अदा शर्माने देखील नवा विक्रम तिच्या नावावर केला आहे.
काय आहे विक्रम?
अदा शर्माचा (Adah Sharma) चित्रपट ‘द केरळ स्टोरी’ने (The Kerala Story) पहिल्या आठवड्यातील कमाईच्या बाबतीत आलिया भट्टचा चित्रपट गंगूबाई काठियावाडीलाही मागं टाकलं आहे. आता द केरळ स्टोरी हा आतापर्यंतचा सर्वाधिक कमाई करणारा महिला अभिनेत्रीचा चित्रपट ठरला आहे.
बॉलीवूडच्या (Bollywood) 5 सर्वात मोठ्या महिला-केंद्रित चित्रपटांची कमाई
अदा शर्माचा चित्रपट The Kerala Story – 81.36 कोटी
आलिया भट्टचा गंगूबाई काठियावाडी चित्रपट – 68.82 कोटी
कंगना राणौतचा मणिकर्णिका चित्रपट – 61.15 कोटी
करीना कपूरचा ‘वीरे दी वेडिंग’ चित्रपट – 56.96 कोटी
आलिया भट्टचा राझी चित्रपट – 56.59 कोटी
