अकोला : अकोला शहरातील जूने शहर पोलीस स्टेशनच्या हद्दीत काल रात्री दोन गटांमध्ये तुफान राडा होऊन दगडफेक करण्यात आली आहे. दोन गटात झालेल्या या तुफान दगडफेक आणि दंगलीमध्ये एकाचा मृत्यू तर चार ते पाच जण यामध्ये गंभीर जखमी झाले. या दोन्ही गटांकडून अनेक वाहनांची तोडफोड तसेच जाळपोळ करण्यात आली. यानंतर पोलिसांनी तातडीने कारवाई करत दंगलीतील अनेक लोकांना अटक करण्यात आली असून आता परिस्थिती नियंत्रणात आणण्यात पोलिसांना यश आलं आहे. तसेच कुणीही अफवांवर विश्वास ठेवू नये, असं अकोला पोलिसांकडून नागरिकांना आवाहन करण्यात आले.
#WATCH | Maharashtra: Section 144 imposed in Akola following a violent clash between two groups over a minor dispute in the Old City police station area of Akola yesterday; morning visuals from the spot
"Some Vehicles have been damaged by the violent mob. The situation is now… pic.twitter.com/6ZNokV0lVA
— ANI (@ANI) May 14, 2023
काय आहे नेमके प्रकरण?
अकोल्यात एका सोशल मीडिया ग्रुपवर एक पोस्ट (Controversial Post) आली. त्यामुळे वाद झाला आणि शेकडो लोक रस्त्यावर उतरले या लोकांनी एकमेकांवर दगडफेक करण्यास सुरुवात केली. काही तरुणांनी बाईक, गाड्या आणि दिसेल त्या ठिकाणी आगी लावत प्रचंड जाळपोळ केली. त्यामुळे अकोल्यात अधिकच तणाव पेटला. रात्री उशिरा हा प्रकार घडल्याने सामान्य लोकांमध्ये मोठ्या प्रमाणात घबराट निर्माण झाली होती.
Maharashtra | A violent clash erupted between two groups over a minor dispute in the Old City police station area of Akola on Saturday
"Violent clash erupted between two groups over a minor dispute. Some Vehicles have been damaged by the violent mob. The situation is now under… pic.twitter.com/1UXEkEEAjZ
— ANI (@ANI) May 14, 2023
144 कलम लागू
अकोल्यात झालेल्या या घटनेमुळे संपूर्ण परिसरात कलम 144 (Section 144) लागू करण्यात आलं आहे. लोकांना घराबाहेर पडण्यास मज्जाव करण्यात आला आहे. घोळक्यांनी उभे राहण्यास मनाई करण्यात आली आहे. तसेच या ठिकाणी आणखी काही अनुचित प्रकार घडू नये म्हणून चौकाचौकात पोलीस बंदोबस्त ठेवण्यात आला आहे.
