सातारा : सातारा जिल्ह्यातून (Satara News) एक मन हेलावून टाकणारी घटना समोर आली आहे. यामध्ये सातारा जिल्ह्यातील हिवरे (ता. कोरेगाव) येथे माती नालाबांधामध्ये पोहण्यासाठी गेलेल्या दोन सख्ख्या भावांचा पाण्यात बुडून दुर्दैवी मृत्यू झाला आहे. ऋतुराज रोहिदास गुजले (वय 14) आणि वेदांत रोहिदास गुजले (वय 12) असे दोन्ही मुलांची नावे आहेत. या घटनेमुळे हिवऱ्यासह परिसरात शोककळा पसरली आहे.
काय घडले नेमके?
काल शाळेला सुटी असल्याने त्यांची आई सुवर्णा गुजले यांनी दोन मुलांना शेतामध्ये नेले. आईचे खुरपणीचे काम चालले होते. यावेळी दोघे भावंडे शिवारात जनावरे चारत होती. दुपारी आईने दोन्ही मुलांना शेतात बोलावून जेवू घातले. पुन्हा ही मुले जनावरे चारण्यासाठी शिवारात गेली. दरम्यानच्या काळात ते दोघे शेताजवळ असलेल्या नाईक इनामदार शिवारातील माती नालाबांधात पोहण्यासाठी गेली. ऋतुराज यास पोहण्यास येत होते. मात्र, वेदांत यास पोहण्यास येत नव्हते. सायंकाळी पाच वाजता त्यांची आई त्यांना घरी घेऊन जाण्यासाठी येथील शिवारात गेली तेव्हा माती नालाबांधा जवळ गेली असता तिला बांधाजवळ दोघांची कपडे दिसली. मात्र, दोघे मुले दिसली नसल्याने सुवर्णा गुजले यांनी ही माहिती त्यांचे पती रोहिदास गुजले यांना दिली.
रोहिदास हे साखर कारखान्यावर उसाचा ट्रॅक्टर घेऊन गेल्याने त्या ठिकाणी रोहिदास यांचा भाऊ नीलेश गुजले हा माती नालाबांधाजवळ पोहोचला. दरम्यान, गावातील तरुणांच्या मदतीने माती बांधामधील पाण्यात शोध घेतला असता रात्री साडेसात वाजण्याच्या दरम्यान पाण्यामध्ये दोघांचे मृतदेह आढळून आले. आपल्या पोटच्या लेकरांचे मृतदेह पाहून त्यांच्या आईने एकच आक्रोश केला. त्यांचा हा आक्रोश पाहून उपस्थित लोकांच्यादेखील डोळ्यात पाणी आले. या घटनेमुळे संपूर्ण गावात हळहळ व्यक्त केली जात आहे. या घटनेची माहिती मिळताच वाठार पोलिसांनी घटनास्थळी धाव घेतली. या घटनेची फिर्याद निलेश गुजले यांनी वाठार पोलीस ठाण्यात दिली असून, या घटनेचा पुढील तपास पोलीस हवालदार उदय जाधव करीत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Accident : पुण्यात स्कुल बसचा भीषण अपघात; CCTV फुटेज आले समोर
Dinesh Phadnis Pass Away : CID फेम दिनेश फडणीस उर्फ ‘फ्रेड्रिक्स’ यांचे निधन
Cyclone Michaung : महाराष्ट्रातील ‘या’ भागात पुढील दोन दिवस पडणार मुसळधार पाऊस
Crime News : छ. संभाजीनगर हादरलं ! ‘या’ शुल्लक कारणावरून पतीकडून पत्नीची हत्या
Hingoli News : पिकअप आणि दुचाकीमध्ये भीषण अपघात; बाईकचालकाचा जागीच मृत्यू
Revanth Reddy : अखेर ठरलं ! रेवंत रेड्डी होणार तेलंगणाचे मुख्यमंत्री; हाय कमांडने केलं शिक्कामोर्तब
Pune News : न्यायालयाने बंदी घातलेल्या चायनीज मांजावर कडक अंमलबजावणी करावी – नितीन कदम
