सातारा : साताऱ्यातील वाई परिसरात एक धक्कादायक घटना (Satara Firing News) घडली आहे. यामध्ये न्यायालयात आणलेल्या तीन आरोपींवर पूर्ववैमनस्यातून गोळीबार (Satara Firing News) करण्यात आला आहे. सुदैवाने यात कोणीही जखमी झालेले नाही. न्यायालय परिसरात गोळीबार झाल्याने परिसरात मोठ्या प्रमाणात खळबळ उडाली आहे. या घटनेची माहिती मिळताच वाई पोलीस तातडीने घटनास्थळी दाखल झाले आहेत.
काय घडले नेमके?
वाई-मेणवली येथील हॉटेल मालकास खंडणी मागितल्या प्रकरणी अटकेत असलेल्या कुख्यात गुंड अनिकेत उर्फ बंटी नारायण जाधव, (रा. भुईंज) आणि निखिल तसेच अभिजीत शिवाजी मोरे (रा. गंगापुरी, वाई) यांच्या दिशेने गोळीबार करण्यात (Satara Firing News) आला आहे. दोन फायर करण्यात आले. मात्र, कोणीही जखमी झालेले नाही. गोळीबाराच्या घटनेने वाई न्यायालयाच्या परिसरात एकच खळबळ उडाली आहे. हा गोळीबार पूर्ववैमनस्यातून करण्यात आला आहे.
