मुंबई : पाकिस्तान सोडून भारतात पळून आलेली सीमा हैदर (Seema Haider) संदर्भात एक मोठी बातमी समोर आली आहे. सीमा हैदरला (Seema Haider) पाकिस्तानात पाठवा, नाहीतर दहशतवादी हल्ल्यासाठी तयार राहा, अशी धमकी मुंबई पोलिसांना देण्यात आली आहे. धमकी देण्याऱ्या व्यक्तीने मुंबई पोलिसांच्या कंट्रोल रुमला संपर्क करून ही धमकी दिली. 13 जुलै रोजी हा धमकीचा कॉल आला होता. फोन करणाऱ्या व्यक्तीने धमकी देताना म्हंटले कि, पाकिस्तानी नागरिक सीमा हैदरला पाकिस्तानात परत पाठवा अन्यथा 26/11 सारख्या दहशतवादी हल्ल्याला तयार राहा.
Love Story : एक सीमा अशीही! पब्जीमुळे पाकिस्तानी सीमा आणि नोएडाचा सचिन यांची अनोखी प्रेमकहाणी
मुंबई पोलीस आणि क्राईम ब्रांच मिळून या धमकी प्रकरणाचा तपास करत आहेत. मुंबई पोलिसांच्या कंट्रोल रुमला असे अनेक फोन येतात, त्यामुळे हा फोन कॉल खरा आहे की बोगस याचा शोध आता मुंबई पोलीस आणि क्राईम ब्रांचकडून घेतला जात आहे. मात्र या धमकीच्या फोनमुळे मुंबई पोलीस आणि सुरक्षा यंत्रणा सतर्क झाल्या आहेत. मुंबई पोलिस आणि गुन्हे शाखा या प्रकरणाचा कसून तपास करत आहेत.
Kajol : 31 वर्षाच्या करिअरमध्ये काजोलने पहिल्यांदाच मोडली ‘ती’ पॉलिसी; म्हणाली ‘लोक काय म्हणतील….
काय आहे नेमके प्रकरण?
गेल्या काही दिवसांपासून सीमा हैदर (Seema Haider) आणि सचिन मीना यांची लव्ह स्टोरी सध्या चर्चेत आहे. सीमा हैदर ही पाकिस्तानी महिला तिच्या चार मुलांसह नेपाळमार्गे भारतात पोहोचली. तिने हिंदू धर्म स्वीकारत सचिन मीना या तरुणाशी लग्न केलं आहे. या दोघांची ऑनलाईन गेम खेळताना यांची ओळख झाली. पबजी गेम खेळताना मैत्री आणि त्याचं रुपांतर नंतर प्रेमात झालं. त्यानंतर सीमाने सचिनला भेटण्याच ठरवलं आणि त्यासाठी ती थेट भारतात पोहोचली.