गोंदिया : गोंदिया जिल्ह्यतून (Gondia News) एक धक्कादायक बातमी समोर आली आहे. आपली एक चूक आपल्याला किती महागात पडू शकते याचा प्रत्यय तुम्हाला येईल. दारूच्या नशेत केलेली शिवीगाळ एका तरुणाच्या जीवावर बेतली आहे. या शिवीगाळीमुळे जिवलग मित्रानेच मित्राचा खून केला आहे. ही घटना गोंदिया शहरातील छोटा गोंदिया परिसरातील शास्त्री वॉर्ड या ठिकाणी घडली आहे. राहुल दिलीप बिसेन (22, रा. शास्त्री वॉर्ड, छोटा गोंदिया) असे मृत तरुणाचे नाव आहे.
काय आहे संपूर्ण प्रकरण?
सोनू सुनील भोयर (23, रा. जितेश चौक, छोटा गोंदिया) असे आरोपीचे नाव आहे. मागील अनेक दिवसांपासून मित्र म्हणून वावरणारे सोनू सुनील भोयर आणि राहुल दिलीप बिसेन हे दोघेही घटनेच्या दिवशी छोटा गोंदिया येथील लग्न समारंभात गेले होते. यावेळी दोघांनीही मद्यप्राशन केलं होतं. मित्र असले तरी त्या दोघांची काहीवेळा शाब्दिक चकमक उडायची. या लग्न समारंभातही त्यांच्यात क्षुल्लक कारणावरून वाद झाला. या वादात राहुल बिसेन याने आरोपी प्रतीक भोयर याला शिवीगाळ केली आणि हीच चूक त्याला महागात पडली.
यानंतर लग्नात शिवीगाळ केली म्हणून रागात प्रतीकने थांब तुला पाहून घेतो, अशी धमकी दिली. यानंतर तो लग्न मंडपाच्या बाहेर निघून गेला. त्याच्या नंतर काही वेळातच राहुल बिसेन हासुद्धा बाहेर गेला आणि पुन्हा त्या दोघांत पुन्हा एकदा खटका उडाला. परिणामी प्रतीक भोयर याने राहुल बिसेनच्या पोटावर, छातीवर आणि शरीरावर धारदार चाकूने वार करून त्याचा खून केला. या सगळ्या प्रकारामुळे परिसरात एकच खळबळ उडाली. या घटनेची माहिती मिळताच गोंदिया शहर पोलिसांनी आरोपी प्रतीक भोयर याच्याविरुद्ध भादंवि कलम 302 अन्वये गुन्हा दाखल करून आरोपीला अटक केली.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Legislative Council Elections : विधान परिषद निवडणुकीसाठी ठाकरे गटाने ‘या’ 2 नेत्यांना दिली उमेदवारी
Pune Porsche Accident : पुणे अपघात प्रकरणी आरोपीचे आजोबा सुरेंद्र कुमार अग्रवालला अटक
