छत्रपती संभाजीनगर : छत्रपती संभाजीनगरमध्ये पुन्हा एकदा दोन गटांमध्ये तुफान राडा (Dispute) झाल्याचे पाहायला मिळाले. दुचाकीचा धक्का लागल्यामुळे दोन गटांमध्ये हा तुफान राडा (Dispute) झाला आहे. या राड्यानंतर घरावर दगडफेकसुद्धा करण्यात आली. या दगडफेकीमध्ये चार वाहनांचे मोठ्या प्रमाणात नुकसान झाले. या राड्याप्रकरणी 15 जणांविरोधात गुन्हा दाखल करण्यात आला आहे. शहरातील अंगुरीबाग परिसरात शुक्रवारी मध्यरात्रीच्या सुमारास ही घटना घडली.
Satara News : ‘खूप केलं माणसांसाठी आता बस्स’… व्हाट्सअ‍ॅप स्टेटस ठेवत तरुणाची आत्महत्या
काय घडले नेमके?
विजय काथार हा तरुण अंगणात उभा होता. त्याला सय्यद इरफानच्या दुचाकीचा धक्का लागला. यातून दोघांमध्ये मोठा वाद होऊन भांडण सुरू झालं. काही वेळातच त्या ठिकाणी जमाव जमला. हे भांडण सोडवण्यासाठी आलेला मयूर परदेशी, विजयच्या वहिनी हर्षाली काथार, भाऊजी सुधाकर काथार, सुनीता काथार, योगिता काथार यांनाही जमावाने शिवीगाळ करत त्यांना जिवे मारण्याची धमकी दिली.
त्यानंतर हल्लेखोरांनी काथार यांच्यासह परिसरातील रहिवाशांच्या घरासमोर उभ्या तीन दुचाकींसह एका कारची तोडफोड केली. या घटनेची माहिती मिळताच क्रांती चौक पोलिसांनी वेळीच घटनास्थळी धाव घेतल्याने मोठा अनर्थ टळला. या प्रकरणात (Dispute) 15 जणांविरोधात गुन्हा दाखल करण्यात आला आहे.
