रायगड : रायगड (Raigad) जिल्ह्यातील महाड तालुक्यापासून आठ ते दहा किलोमीटर अंतरावर असलेल्या टेमघर या गावामध्ये एक धक्कादायक घटना घडली आहे. यामध्ये एका 24 वर्षीय विवाहित महिलेने गळफास घेऊन आत्महत्या केली आहे. या आत्महत्येप्रकरणी पोलिसांनी महिलेच्या पतीवर गुन्हा दाखल केला आहे. प्रियंका अशोक शिंदे असे आत्महत्या केलेल्या विवाहित महिलेचे नाव आहे.
काय आहे नेमके प्रकरण?
आरोपी विकास अशोक शिंदे (Vikas Ashok Shinde) आणि प्रियंका अशोक शिंदे (Priyanka Ashok Shinde) यांचा 2019 मध्ये विवाह झाला होता. आरोपी पती विकास हा लग्न झाल्यापासून प्रियंकाला नेहमी मारहाण व शिवीगाळ करून तिचा शारीरिक व मानसिक छळ करीत होता. तसेच तिचा छळ करून तिला नांदवायला नेणार नाही असे वारंवार सांगत होता. अखेर या सर्व जाचाला कंटाळून प्रियंकाने टोकाचे पाऊल उचलत आपल्या आयुष्याचा शेवट (Suicide) केला आहे.
या प्रकरणी आरोपी पती विकास अशोक शिंदे (वय 27 रा. टेमघर तालुका महाड. मूळ रा. मोरगाव जिल्हा पुणे) याच्या विरोधात पत्नीला आत्महत्येस प्रवृत्त केल्याप्रकरणी महाड एमआयडीसी पोलीस ठाण्यात विविध कलमांतर्गत गुन्हा दाखल करण्यात आला आहे. श्यामकांत साधू सिलिमकर (वय 50) यांनी या प्रकरणी फिर्याद दाखल केली आहे. या संपूर्ण गुन्ह्याचा अधिक तपास सहाय्यक पोलीस निरीक्षक मारुती आंधळे (Assistant Police Inspector Maruti Andhale) यांच्या मार्गदर्शनाखाली पोलीस उपनिरीक्षक जगदीश गायकवाड हे करीत आहेत.
