बॉलीवूडचा बादशहा म्हटलं तर एकच नाव पुढे येत ते म्हणजे शाहरुख खान. शाहरुख ने आपल्या काळात बरेच सुपरहिट चित्रपट केले आहेत. पठाण या चित्रपटाच्या घवघवीत यशानंतर त्याचा जवान हा नवीन चित्रपट प्रेक्षकांचा भेटीला येणार आहे. यादरम्यान दिग्दर्शक व अभिनेता फरहान अख्तर याने ” Don 3″ या चित्रपटाचा टीझर लाँच केला आहे. त्या सोबत एक पोस्ट पण शेअर केली आहे. त्याच्या या पोस्टवरून शाहरुखच्या फॅन्सनी नाराजी व्यक्त्त केली आहे. कारण 2025 मध्ये प्रदर्शित होणार डॉन 3 या चित्रपटामध्ये यंदा शाहरुख खान दिसणार नाही आहे.
1978 मध्ये अमिताभ बच्चन डॉनच्या भूमिकेत मोठ्या पडद्यावर आले आणि त्यांनी सर्वांची मनं जिंकली. यानंतर 2006 मध्ये फरहान अख्तरने हा चित्रपट ट्विस्ट घेऊन रिमेक केला, ज्यामध्ये शाहरुख खान मुख्य भूमिकेत होता. हा चित्रपट हिट झाला आणि शाहरुखच्या स्वॅगला प्रेक्षकांचा चांगला प्रतिसाद मिळाला. डॉनच्या यशानंतर फरहान अख्तरने 2011 साली Don 2 रिलीज केला आणि पुन्हा एकदा चित्रपटाने धमाका केला. मात्र, तेव्हापासून चाहते डॉन 3 ची वाट पाहत आहेत. नुकताच डॉन 3 चा टीझर रिलीज झाला. यामध्ये रणवीर सिंग हा डॉनच्या भूमिकेत दिसणार आहे.
‘या’ कारणामुळे शाहरुख खानने नाकारला डॉन 3
हाती आलेल्या माहितीनुसार, जेव्हा शाहरुख खानला चित्रपटाची स्क्रिप्ट सांगितली गेली तेव्हा त्याला ती फारशी आवडली नाही. शाहरुखने ही स्क्रिप्ट साफ नाकारली असं नाही, पण अभिनेता स्क्रिप्टशी कनेक्ट होऊ शकला नाही. त्यामुळे शाहरुख खानने फरहान अख्तरच्या या चित्रपटाला नकार दिला. यामुळे त्याच्या चाहत्यांना मोठा धक्का बसला आहे.
