पुणे : ईडीने पीएमएलए 2002 अंतर्गत येस बँक आणि डीएचएफएल फसवणूक प्रकरणात व्यावसायीक संजय छाब्रिया यांची 251 कोटी रुपयांची मालमत्ता तात्पुरती जप्त करण्यात आली आहे. तसेच पुण्यातील प्रसिद्ध उद्योजक अविनाश भोसले यांची 164 कोटी रुपयांची मालमत्ता तात्पुरती जप्त करण्यात आली आहे . या प्रकरणात एकूण जप्ती 1,827 कोटी रुपयांची मालमत्ता जप्त करण्यात आली आहे. , अशी माहिती ईडी अंमलबजावणी संचालक कार्यालयाकडून देण्यात आली.
उद्योजक अविनाश भोसले यांनी घोटाळ्याच्या पैशातून मालमत्ता खरेदी केल्याचा सीबाआचा आरोप आहे. लंडनमधील मालमत्ताही आता वादाच्या भोवऱ्यात अडकली आहे. 2018 मध्ये भोसलेंनी लंडनमधील बर्मिंगहम पॅलेसजवळ फाईस ट्रॅक या ईमारतीमध्ये २०० रुम खरेदी केल्या होत्या.या रूमचे हॉटेल मध्ये रूपांतर करण्याचा त्यांचा हेतू होता या हाॅटेलसाठी एक हजार कोटी रुपयांपैकी सातशे कोटी रुपये कर्ज स्वरुपात भोसलेंनी एस बॅंकेकडून घेतले. तीन दिवसांपूर्वी सीबीआयने अविनाश भोसलेंविरोधात आरोपपत्र दाखल केले आहे.
अविनाश भोसले यांना डीएचएफएल आणि येस बँक घोटाळाप्रकरणी सीबीआयने 26 मे रोजी पुण्यातून अटक केली होती. त्यानंतर दहा दिवसांची सीबीआय कोठडी देण्यात आली होती. सध्या ते न्यायालयीन कोठडीत आहेत.
त्यासह पुणे – मुंबई परिसरातील तब्बल 8 ठिकाणी छापेमारी केली होती. या छाप्यातून सीबीआयच्या हाती काही महत्त्वाचे धागेदोरे लागल्याचे समजते. त्यातूनच ही कारवाई करण्यात आली आहे. ईडीने याआधी अविनाश भोसले यांची 40 कोटी 34 लाख रुपयांची मालमत्ता जप्त केली आहे.
