#Travel Diary : स्कुबा डायव्हिंगसाठी थायलंडला जाण्याची गरज नाही, बेंगलोरजवळ हे आहे परफेक्ट ठिकाण, कसे पोहोचायचे-कुठे राहायचे वाचा सविस्तर माहिती

विकेंड डेस्टिनेशन : नेतराणी हे अरबी समुद्रात वसलेले भारतातील एक छोटे बेट आहे, ज्याला हार्ट शेप आयलँड, बजरंगी आयलँड आणि पिजन आयलँड म्हणूनही ओळखले जाते. जे कर्नाटकच्या किनाऱ्यावर भटकळ तालुक्यातील मुरुडेश्वर शहरापासून सुमारे १९ किमी अंतरावर आहे.

स्कुबा डायव्हिंगसाठी हे बेट पर्यटकांमध्ये विशेष प्रसिद्ध आहे. याशिवाय तुम्ही स्नॉर्केलिंगचा ही आनंद घेऊ शकता. प्रसिद्ध बजरंगबली मंदिरही येथे आहे. ते पाहण्यासाठी दरवर्षी हजारो लोक येतात. असे म्हटले जाते की हनुमानजी येथे उतरले आणि त्यांनी भगवान रामाची मातीची मूर्ती बनविली.

वीकेंड डेस्टिनेशन म्हणून हे ठिकाण उत्तम आहे, कारण इथे फिरण्यासाठी फारसे पर्याय नाहीत, त्यामुळे लोक खास स्कूबा डायव्हिंगसाठी येतात. या बेटाचे पाणी स्वच्छ असल्याने स्कूबा डायव्हिंग आणि स्नॉर्केलिंग दरम्यान समुद्राच्या आत सुंदर दृश्य पाहता येते. हे ठिकाण पाहण्यासाठी दोन दिवस पुरेसे आहेत.

साहसी उपक्रम पॅकेज

ज्यामध्ये स्कूबा डायव्हिंगपासून स्नॉर्केलिंग, बोट राइड, अंडरवॉटर फोटोग्राफी, डायव्हिंग सर्टिफिकेट, रिफ्रेशमेंट, डायव्हिंगसाठी लागणारी उपकरणे अशा सर्व गोष्टींचा समावेश आहे.

10 लोकांसाठी तुम्हाला प्रति व्यक्ती 2999 रुपये मोजावे लागतील.

5 लोकांसाठी प्रति व्यक्ती 3499 रुपये आकारले जातात.

जर तुम्ही एकट्याने ही कामे करत असाल तर त्यासाठी तुम्हाला 3999 रुपये मोजावे लागतील.

भेट देण्याची सर्वोत्तम वेळ

नेत्रानी बेटाला भेट देण्यासाठी डिसेंबर ते जानेवारी हा महिना उत्तम आहे. या काळात इथलं वातावरण अतिशय आल्हाददायक असतं.

नेत्रानी बेटावर कसे पोहोचायचे ?

विमानाने: जर तुम्ही विमानाने येथे येण्याचा विचार करत असाल तर मंगलोर हे येथील सर्वात जवळचे विमानतळ आहे. जिथून तुम्हाला तुमच्या गंतव्यस्थानापर्यंत सहज टॅक्सी मिळेल.

रेल्वेमार्गे : येथे जाण्यासाठी मुरुडेश्वर हे सर्वात जवळचे रेल्वे स्थानक आहे. तेथून नेतराणीला जाण्यासाठी बस व रिक्षाची सुविधा उपलब्ध आहे.

रस्ते मार्गे : बेंगळुरू, मुंबई आणि कोची येथून खाजगी आणि सरकारी बसेसने मुरुडेश्वरला सहज पोहोचता येते.

बेंगळुरूहून कसे जायचे ?

बेंगळुरूहून सुमारे ८ तासांच्या ड्राइव्हने मुरुडेश्वरला पोहोचता येते. मुरुडेश्वरपासून सुमारे १९ किलोमीटर अंतरावर नेतराणी बेट आहे. तिथे जाण्यासाठी तासाभराचा बोटीचा प्रवास करावा लागतो.