सांगली : सांगलीतून एक धक्कादायक घटना उघडकीस आली आहे. आज सकाळी कवठेमहांकाळ बस आगारात चालक पदावर कार्यरत असणारे भीमराव सूर्यवंशी यांनी गळफास घेऊन आत्महत्या केली आहे. मिळालेल्या प्राथमिक माहितीनुसार, एसटी कर्मचाऱ्यांचा पगार वेळेत न झाल्यामुळे नैराश्यातून सूर्यवंशी यांनी गळफास घेऊन आत्महत्या केली असल्याचं सांगितलं जात आहे. वेळेवर पगार न झाल्याने अखेर एका कर्मचाऱ्यांना आपली जीवन यात्रा संपवली.
भीमराव सूर्यवंशी हे कवठेमहांकाळ बस आगारात चालक पदावर कार्यरत होते. आज सकाळी त्यांनी राहत्या घरी गळफास घेऊन आत्महत्या केली. घटनेची माहिती मिळाल्यानंतर पोलिसांनी घटनास्थळी धाव घेऊन पंचनामा केला आहे. अधिक तपास सुरू आहे.
