आत्तापर्यंत गर्भधारणा टाळण्यासाठी गर्भनिरोधक गोळ्यांचे केवळ महिलांनाच सेवन करता येत होते. परंतु या गोळ्यांमुळे मासिक धर्मामध्ये समस्या निर्माण होणे ,योग्य वेळी गर्भधारणा न होणे यासह अनेक मोठ्या आजारांना देखील महिलांना बळी पडावे लागत होतं. पण आता गर्भधारणा राहू नये यासाठी पुरुषांसाठी गोळी संशोधकांनी बनवली आहे.
संशोधकांनी पुरुषांसाठी संतती प्रतिबंधक गोळी विकसित केली असून, ही गोळी तोंडावाटे घेतली जाणार आहे. गोळीमध्ये शुक्राणूंना त्यांच्या मार्गात प्रतिबंध करण्याची क्षमता असल्याचा दावा संशोधकांनी केला आहे.
पुरुष गर्भधारणेशी संबंधित कोणतेही जोखीम घेत नाहीत त्यामुळे संभाव्य संतती प्रतिबंधक दुष्परिणाम बाबत पुरुषांची सहनशीलता कमी असते असे गृहीत धरले जाते. तसेच पुरुष फार्मसीमध्ये जाऊन पुरुष संतती प्रतिबंधक गोळी विषयी विचारू शकतात.
हा प्रयोग सर्वप्रथम उंदरावर करून पाहण्यात आला. उंदरावर प्रयोग केल्यानंतर अडीच तासात शुक्राणू निष्क्रिय करण्याची क्षमता या गोळीमध्ये दिसून आली. तीन तासाच्या कालावधीनंतर काही शुक्राणूंची हालचाल पुन्हा सुरू झाली. तर 24 तासानंतर जवळजवळ सर्व शुक्राणूंची हालचाल सामान्यपणे दिसून आली.
