भारतीय स्टेट बँकेत चांगल्या पगाराची नोकरी मिळण्याची संधी उपलब्ध झाली आहे. मात्र ही नोकरी तरुण नवख्या उमेदवारासाठी नसून पूर्वी सरकारी बँकेत कामाचा अनुभव घेतलेल्या आणि आता नोकरीतून निवृत्त झालेल्या लोकांसाठी असणार आहे.
सेंट्रल रिक्रूटमेंट अँड प्रमोशन डिपार्टमेंट (सीआरपीडी), कॉर्पोरेट सेंटर, मुंबई, स्टेट बँक ऑफ इंडियाने सेवानिवृत्त अधिकारी, स्टेट बँक ऑफ इंडियाचे तत्कालिन असोसिएट्स आणि इतर सार्वजनिक क्षेत्रातील बँकांकडून ऑनलाइन अर्ज मागवले आहेत.
इच्छुक आणि पात्र उमेदवार अर्ज प्रक्रियेत सामील होण्यासाठी 30 एप्रिल 2023 पर्यंत नोंदणी करू शकतात. या संदर्भात, स्टेट बँक ऑफ इंडिया (SBI) ने 1 एप्रिल रोजी जाहिरात (No.CRPD/RS/2023-24/02) जारी केली आहे. इच्छुक उमेदवार अर्ज करण्यासाठी sbi.co.in या अधिकृत वेबसाइटला भेट देऊ शकतात.
स्टेट बँकेने जारी केलेल्या अधिसूचनेनुसार, इच्छुक आणि पात्र उमेदवार चॅनल मॅनेजर फॅसिलिटेटर, चॅनल मॅनेजर सुपरवायझर आणि सपोर्ट ऑफिसर या पदांसाठी अर्ज करू शकतात. एकूण पदांची संख्या 1022 आहे. उमेदवारांच्या माहितीसाठी, ही भरती SBI द्वारे Anytime चॅनेल अंतर्गत कंत्राटी पद्धतीने केली जाणार आहे.
मुलाखतीच्या आधारे स्टेट बँकेत भरतीसाठी उमेदवारांची निवड केली जाईल. यासाठी, प्रथम प्राप्त झालेल्या अर्जांची तपासणी केल्यानंतर उमेदवारांना शॉर्टलिस्ट केले जाईल. शॉर्टलिस्ट केलेल्या उमेदवारांना मुलाखतीसाठी बोलावले जाईल. 100 गुणांसाठी मुलाखतीच्या आधारे अंतिम निवड यादी तयार केली जाईल. (Recruitment) पात्र उमेदवारांनी बँकेच्या कोणत्या शाखेसाठी आणि कोणत्या पदासाठी जागा निघाल्या आहेत हे जाणून घेण्यासाठी SBI भर्ती 2023चे अधिकृत नोटिफिकेशन चेक करावे.
पद आणि मिळणारा पगार
01) चॅनल मॅनेजर फॅसिलिटेटर – एनीटाइम चॅनल (CMF-AC): दर महिना रु.36000/-
०२) चॅनल व्यवस्थापक पर्यवेक्षक – एनीटाइम चॅनेल (CMS-AC): दर महिना रु. 41000/-
०३) सपोर्ट ऑफिसर – एनीटाइम चॅनेल (SO-AC): दर महिना रु. 41000/-
