अहमदाबाद- आयपीएल 2022 चा अंतिम सामना हमदाबादमधील नरेंद्र मोदी स्टेडिअवर 29 मे रोजी होणार असून या सामन्यासाठी पंतप्रधान नरेंद्र मोदी आणि गृहमंत्री अमित शाह उपस्थित राहणार आहेत. त्याचप्रमाणे सुपरस्टार रणवीर सिंह यांच्यासह संगीतकार ए.आर. रहमान तसेच क्रिकेट जगतातील मोठमोठ्या व्यक्तिमत्वाचा समावेश असणार आहे. एकूण यंदाचा आयपीएल 2022 चा समारोप दणक्यात होणार आहे.
हार्दिक पांड्याच्या नेतृत्वातील गुजरात टायटन्स आधीच फायनलमध्ये पोहचलाय. तर राजस्थान रॉयल्स आणि आरसीबी यांच्यातील विजेता संघ फायनलमध्ये पोहचणार आहे. फायनलचा सामना सुरु होण्याआधी एक दमदार कार्यक्रमाचं आयोजन करण्यात येणार आहे. यामध्ये बॉलिवूडमधील अनेक दिग्गज कलाकारांचा समावेश असणार आहे. आयपीएलचा क्लोजिंग समारोप 29 मे रोजी सायंकाळी साडेसहा वाजता सुरु होणार आहे. हा कार्यक्रम 50 मिनिटांपर्यंत रंगणार आहे. त्यानंतर साडेसात वाजता नाणेफेक होणार आहे. तर आठ वाजता सामन्याला सुरुवात होणार आहे.
26 मार्च रोजी आयपीएलचा उद्घाटन समारंभ आयोजित करण्यात आला नव्हता. मात्र यंदा कोरोनाचा संसर्ग कमी झाल्यामुळे आयपीएलची सांगता जंगी होणार आहे. पंतप्रधान नरेंद्र मोदी आणि गृहमंत्री अमित शाह देखील उपस्थित राहणार आहेत. त्यामुळे याठिकाणी तब्बल 6 हजार पोलीस तैनात करण्यात आले आहेत.