सबसे कातिल गौतमी पाटील नृत्य म्हणजे प्रेक्षकांची हुल्लडबाजी, टाळ्या, शिट्ट्या ! पण गौतमीचा असाही एक कार्यक्रम झाला जिथे समोर एक बैल उपस्थित होता. या बैलासमोर गौतमीने बहारदार नृत्य सादर केले. या कार्यक्रमाचा व्हिडिओ सध्या सोशल मीडियावर प्रचंड व्हायरल झाला आहे.
मुळशीतील एका राष्ट्रवादी काँग्रेस नेत्याच्या मुलाच्या लग्नानिमित्त मांडव टिळा कार्यक्रमात चक्क गौतमी एका बैलासमोर नाचली. हा व्हिडीओ असल्याचं समोर आलं आहे. व्हिडीओ व्हायरलं झाल्यानं गौतमी पुन्हा एकदा चर्चेत आली आहे.
सुशील हागवणे युवा मंचच्या वतीने या कार्यक्रमाचे आयोजन करण्यात आले होते. यावेळी चक्क कार्यक्रमासाठी बैल आणला होता. ‘बावऱ्या’ असं त्या बैलाचं नाव असून ‘बावऱ्या’ या बैलाने आतापर्यंत अनेक बैलगाडा शर्यती गाजवल्या आहेत. गावामध्ये सर्वांचा तो लाडका आहे. तसेच गावची शान असलेल्या या बैलाची नेहमीच चर्चा असते. ‘बावऱ्या’ बैलाने देखील गौतमीचा डान्स पाहून शेपटी उडवत दाद दिली. गौतमीने देखील एका बैलासमोर लचकत, मुरडत नृत्य केले. ते पाहण्यासाठी हजारोच्या संख्येने नागरिकही जमा झाले होते.
पूर्वीच्या काळी लग्नाआधी दाराबाहेर मांडव घालण्याची प्रथा होती, त्या मांडवात नवऱ्या मुलाची वाजत गाजत बैलगाडीतून मिरवणूक येत असे. हीच परंपरा कायम ठेवण्यासाठी मिरवणूक न काढता गीतांचा कार्यक्रम ठेवला आणि बैलगाड्याचं प्रतीक म्हणून घरातील बैल कार्यक्रम स्थळी उभा केल्याचं आयोजक राजेंद्र हगवणे यांनी म्हंटल आहे.
