पुणे : सातारा रस्त्यावर खंबाटकी घाटामध्ये सोमवारी पहाटे कारचा भीषण अपघात झाला आहे. या अपघातामध्ये पाच जण गंभीर जखमी झाले असून, दोन महिलांचा मृत्यू झाला आहे.
मिळालेल्या माहितीनुसार, खंबाटकी बोगद्यात सोमवारी पहाटे हा भीषण अपघात झाला आहे. ड्रायव्हरला डुलकी लागल्यामुळे गाडीवरील नियंत्रण सुटले आणि त्यामुळे हा अपघात घडला असल्याचं समजत आहे. यामध्ये पुण्यातील सराफ कुटुंब हे सहलीसाठी बाहेरगावी गेले असताना परतीच्या रस्त्याला असताना हा अपघात घडला आहे. यामध्ये पाच जण गंभीर जखमी झाले असून, दोन महिलांचा मृत्यू झाला आहे. जखमींना सातारा जिल्ह्यातील शिरवळ येथील खाजगी रुग्णालयात उपचारासाठी दाखल करण्यात आले आहे.
