पुणे : नुकताच दहावीचा निकाल जाहीर झाला आहे. हि परीक्षा 2 मार्च ते 25 मार्च दरम्यान पार पडली होती. यंदा 15 लाख नियमित विद्यार्थ्यांनी ही परीक्षा दिली होती. या वर्षीचा दहावीचा निकाल 93.83 टक्के लागला आहे. निकालात यंदाही कोकण विभागाने अव्वल स्थान पटकावले आहे.
कोकण विभागाचा निकाल सर्वाधिक 98.11 टक्के लागला आहे. पुणे विभागाचा निकाल 95.64 टक्के लागला आहे. तर सर्वात कमी नागपूर विभागाचा निकाल आहे. नागपूर विभागाचा निकाल 92.05 टक्के लागला आहे. मागील वर्षीच्या तुलनेत 3.11 टक्क्यांनी दहावीचा निकाल घटला आहे.
कुठे पहाल निकाल?
www.mahresult.nic.in
www.mahresult.nic.in या संकेतस्थळावर विद्यार्थ्यांच्या निकालाबरोबरच वेगवेगळी सांख्यिकी माहिती उपलब्ध होणार आहे. तर www.mahahsscboard.in या संकेतस्थळावर शाळांना एकत्रित निकाल उपलब्ध होणार आहे.
SSC Result 2023 : असा पाहा निकाल
स्टेप 1) दहावी बोर्डाचा निकाल पाहण्यासाठी सर्वप्रथम अधिकृत वेबसाइट mahresult.nic.in वर जा.
स्टेप 2) दहावी निकालाच्या लिंकवर क्लिक करा.
स्टेप 3) तुमचा रोल नंबर आणि जन्मतारीख आणि आवश्यक माहिती भरा.
स्टेप 4) दहावीचा निकाल तुमच्या स्क्रीनवर दिसेल.
महाराष्ट्र बोर्डाच्या http://verification.mh-ssc.ac.in या अधिकृत वेबसाईटवर विद्यार्थ्यांना गुणपडताळणी करता येणार आहे. राज्यातील 43 शाळांचा निकाल शून्य टक्के लागला आहे. राज्यातील 29 शाळांचा निकाल शंभर टक्के लागला आहे. तर 14 जून रोजी दुपारी विद्यार्थ्यांना आपली गुणपत्रिका प्राप्त होणार आहे.
10 वी परीक्षाला एकूण 15 लाख 29 हजार 666 विद्यार्थी बसले होते त्यापैकी 14 लाख 34 हजार 898 विद्यार्थी पास झाले. म्हणजेच टक्केवारी 93.83 इतकी आहे. राज्यात 151 विद्यार्थ्यांना 100 टक्के गुण मिळाले आहेत.
