पॅनकार्डचा गैरवापर कसा ओळखा

पॅनकार्ड हे एक महत्त्वाचे ओळखपत्र असण्याबरोबरच आर्थिक व्यवहारासाठी अत्यावश्यक आहे. प्राप्तीकर विभागाशी निगडीत सर्व कामकाजात पॅनकार्ड महत्त्वाची भूमिका बजावते. बँकिंगच्या कामासाठी देखील पॅनकार्डचे विवरण द्यावे लागते आणि अन्य व्हेरिफिकेशनसाठी देखील त्याची गरज भासते. याचे महत्त्व पाहता गैरप्रकार होण्याची शक्यता देखील नाकारता येत नाही. गरज भासल्यास अनेकदा आपल्याला पॅनकार्डची माहिती संबंधिताना द्यावी लागते. परंतु त्याचा गैरवापर तर होत नाही ना? याकडे देखील लक्ष देणे गरजेचे आहे.

कदाचित आपल्या पॅनकार्डचे विवरण चोरून एखादा व्यक्ती कर्ज घेऊ शकतो. अशाप्रकारची फसवणूक करणार्‍या लोकांची संख्या कमी नाही. अर्थात तशी फसवणूक करणे कठीण आहे. कारण बँकेकडून कर्ज घेताना कागदपत्रात आणि प्रक्रियेत थोडीफार तफावत दिसून आल्यास कर्ज मागणीचा अर्ज हा फेटाळला जावू शकतो. परंतु अशा कोणत्याही मार्गाने कर्जाचा अर्ज मंजूर झाला तर आपल्याला आर्थिक फटका बसू शकतो. कारण अशा प्रकारचे कर्ज आपल्या खांद्यावर येईल आणि त्यामुळे सीबिल स्कोअर खराब होईल.

पडताळणी करणे गरजेचे
पॅनकार्डवर एखाद्याने कर्ज घेतले आहे का? याची पडताळणी करायला हवी. यासाठी सीबिल, इक्विफॅक्स, पेटीएम, बँक बाजार किंवा ‘सीआरआयएफ’वर आणि सीबिल स्कोअरची तपासणी करू शकता. या ठिकाणी सीबिलच्या संकेतस्थळावर स्कोर कसा तपासावा हे सांगता येईल.

कशी करावी तपासणी
सीबिल पोर्टलचे संकेतस्थळ www.cibil.com वर जावे.
स्क्रोल केल्यानंतर आपल्याला Get Your CIBIL Score चे मोठे बटण दिसेल.
त्यावर क्लिक केल्यास तीन सब्सक्रिप्शनचे प्लॅन निवडण्यास सांगितले जाईल.
सुविधेच्या हिशोबाने प्लॅन निवडल्यानंतर रजिस्ट्रेशन करावे लागेल.
आपल्याला जन्मतारीख, मोबाईल नंबर, इमेल आयडी आदींची मागणी केली जाईल. या ठिकाणी लॉगइन करून पासवर्ड जनरेट करावा लागेल.
यानंतर आयडी टाइपमध्ये इन्कम टॅक्स आयडीची निवड करून पॅनकार्डचा नंंबर टाकावा लागेल. या ठिकाणी पॅनकार्डचा नंबर टाकल्याने रिकॉर्ड दिसू लागेल.
व्हेरिफिकेशनसाठी काही प्रश्न विचारले जावू शकतात. त्याचा भरणा करून पेमेंट प्रोसेस पूर्ण करावे.
अकाऊंटमध्ये इमेल किंवा ओटीपीच्या मदतीने लॉगइन करावे.
या ठिकाणी एक अर्ज दिला जाईल. त्यात विवरण भरल्यानंतर आपला सीबिल स्कोअर तपासू शकता.
ही प्रकिया पूर्ण केल्यानंतर आपल्याला पॅनकार्डवर किती कर्ज आहे याची माहिती मिळू शकते. पॅनकार्डचा चुकीचा वापर होत असल्याचे वाटत असेल किंवा एखाद्याने आपल्या पॅनवर कर्ज घेतले असेल तर त्याची तक्रार https://incometax.intelenetglobal.com/pan/pan.asp वर करता येते.